ჰეილი ბიბერმა ორსულობის დროს არსებულ გართულებებზე ღიად ისაუბრა. 3 მარტს ბიბერმა თავის SHE MD პოდკასტში გულახდილად ისაუბრა საკუთარ ჯანმრთელობასა და მშობიარობის შემდგომ რეაბილიტაციაზე. ერთსაათიანი პოდკასტის სტუმარი ჰეილის მეან-გინეკოლოგი თაის ალიაბადი იყო. სტუმართან და თანაწამყვანთან ერთად მათ განიხილეს ბიბერის ჯანმრთელობის ისტორია, როგორი იყო Rhode-ის შექმნის პროცესი დედობის პარალელურად და ასევე ის სამედიცინო მდგომარეობა, რომელმაც მისი ორსულობა რისკის ქვეშ დააყენა.
ჰეილიმ გაამხილა, რომ ორსულობამდე ექიმმა საშვილოსნოს ძგიდის დიაგნოზი დაუსვა და გააფრთხილა, რომ მას გარკვეული გართულებების გამოწვევა შეეძლო.
„ვუთხარი, რომ არ დაორსულებულიყო,” – თქვა ექიმმა ალიაბადიმ.
„ახლა ბავშვზე არ ვფიქრობ და როცა დრო მოვა, მაშინ გადავწყვეტთ,’ – ვუპასუხე და შემდეგ ჯადოსნურად დავორსულდი,” – დაამატა ჰეილიმ.
პოდკასტში ასევე ისაუბრეს საშვილოსნოს ძგიდეზე. ექიმმა ალიაბადიმ დეტალურად ახსნა, რომ ეს არის გენეტიკური მდგომარეობა, როცა საშვილოსნოს თხელი კედელი სისქეში იზრდება. მდგომარეობა შეიძლება მერყეობდეს მსუბუქიდან მძიმემდე, კედლის სისქის მიხედვით. ბიბერის მდგომარეობა საშუალოდ მიიჩნეოდა, რაც მუცლის მოშლის დიდ რისკს შეიცავს.
„მის შემთხვევაში მუცლის მოშლის რისკი 25-დან 40%-ს შეადგენდა, ნაადრევად მშობიარობის რისკი კი – 10-დან 20%-მდე,” – ამბობს ექიმი. მისი თქმით, პირველ რიგში, მან ეს რისკები ჰეილის გააცნო, რის შემდეგაც ბიბერმა უპასუხა: „მჯერა, რომ ყველაფერი კარგად იქნება.”
ალიაბადიმ და ბიბერმა მაყურებელს ისიც განუმარტეს, რომ საშუალო ძგიდე არ წარმოადგენს დაუყოვნებლივ ჩვენებას ორსულობის შეწყვეტისთვის, თუმცა მნიშვნელოვანია, ადამიანებს ჰქონდეთ ინფორმაცია, რომ ისინი შესაძლოა მაღალი რისკის ქვეშ იყვნენ.
„ეს მოხდა და ყველაფერი კარგად დასრულდა,” – თქვა ჰეილიმ. „აშკარაა, რომ ჩემმა საშვილოსნოს ძგიდემ ის გააკეთა, რაც საჭირო იყო.”
ნახეთ ეპიზოდი:
