25 და 26 სექტემბერს მულტიფუნქციურ სახელოვნებო სივრცე Factory Tbilisi-ში Quemmekh-ის მუსიკალური შოუ, სახელწოდებით Unburned Live ჩატარდება, რომლის კრეატიული დირექტორიც გურამ მაცხონაშვილია. დაანონსებულ მუსიკალურ შოუზე Quemmekh-ს სცენაზე სპეციალურად მოწვეული სტუმარი შეუერთდება, რომლის ვინაობაც ამ ეტაპზე უცნობია.
ახლახან Quemmekh-მა Unburned Live-ის კამპანიის ფარგლებში ვიდეო გამოაქვეყნა, რომელიც შოუს სწორედ ამ საიდუმლო სტუმრის ნაწილს ეძღვნება. ვიდეოში მონაწილეობენ ლექს-სენი, ლელა წურწუმია, Kirame და Kordz. უცნობია ისიც, მოწვეული სტუმარი ამ არტისტებიდან იქნება თუ არა.
Unburned არის Quemmekh-ისა და გურამ მაცხონაშვილის ერთობლივი პროექტი, რომელიც, მუსიკასთან ერთად, ხელოვნებისა და აუდიტორიასთან ინტერაქციის სხვადასხვა ფორმას აერთიანებს.
