გრემის მფლობელი ჰარი სტაილსი კომიქსის გმირი ხდება. გამომცემელობა TidalWave Comics-მა კომიქსი, სახელწოდებით Fame: Harry Styles გამოუშვა. გრაფიკული რომანი აღწერს ისტორიას, თუ როგორ მოიპოვა ჰარი სტაილსმა მსოფლიო პოპულარობა.
კომიქსის ავტორი დარენ ჯი დევისია, ხოლო ილუსტრაციები რემონ სალასს ეკუთვნის. 22-გვერდიანი კომიქსი 10 მაისს ციფრული და ფიზიკური ფორმატით გამოიცა.
„ჰარი სტაილსი მსოფლიოში ერთ-ერთი ყველაზე აღიარებული ვარსკვლავია. ახლა თქვენ უკვე შეგიძლიათ, მის ისტორიას კომიქსის მეშვეობით გაეცნოთ“ – ნათქვამია პროექტის ანოტაციაში.
კომიქსის ერთ-ერთი გამორჩეული დეტალი ილუსტრაციებია, რომელზეც ჰარი სტაილსი თავის ყველაზე ცნობილ კოსტიუმებშია დახატული. მათ შორის არის კოსტიუმები Vogue-ის ყდიდან და მუსიკალური ვიდეოებიდან.
ჰარი სტაილსი არ არის პირველი მუსიკოსი, რომლის შესახებაც TidalWave-მა კომიქსი გამოსცა. სხვადასხვა დროს გამომცემლობამ კომიქსის გმირებად აქცია ისეთი არტისტები, როგორებიც არიან: ლედი გაგა, Lil Nas X, ბიონსე, Drake, სელენა გომესი და მუსიკალური სცენის სხვა ვარსკვლავები.
„ჩვენ ბიოგრაფიულ კომიქსებში საკუთარს ნიშას მივაგენით. ამ კომიქსების წარმატება ადასტურებს, რომ ამბის თხრობის ხელოვნებას იმაზე დიდი აუდიტორია ჰყავს, ვიდრე ბევრს ჰგონია. მკითხველები რაღაც უფრო მეტს ეძებენ ვიდრე უბრალოდ სუპერ გმირებს, ან საშიშ ისტორიებს. ჩვენი ბიოგრაფიული კომიქსებით ვცდილობთ მკითხველს საყვარელი ვარსკვლავები ახალი კუთხით დავანახოთ. ნახეთ კომიქსის – Fame: Harry Styles ყდები TidalWave-ის ოფიციალურ ვებ-გვერდზე.
