ბიონსეს ბოლო ალბომის Renaissance-ის მსოფლიო ტური 10 მაისს სტოკჰოლმში გამართული კონცერტით დაიწყო. შოუ სამი საათი მიმდინარეობდა. ამ დროის განმავლობაში არტისტმა თავისი ხანგრძლივი მუსიკალური შემოქმედებიდან ათეულობით ჰიტი შეასრულა.
ბიონსემ ტურის დაწყება სპეციალური თიზერით აღნიშნა, რომელშიც პირველი შოუდან რამდენიმე დასამახსოვრებელი სცენა გაერთიანდა. არტისტმა ვიდეო ინსტაგრამზე გამოაქვეყნა.
Renaissance-ის მსოფლიო ტურნე ევროპაში 9 ივლისამდე გაგრძელდება. ამის შემდეგ ბიონსეს მსოფლიო ტური შეერთებულ შტატებში გადაინაცვლებს. შტატების მასშტაბით კონცერტები გაიმართება ტორონტოში, ჩიკაგოში, ატლანტაში, ჰიუსტონში და სხვა დიდ ქალაქებში. Renaissance-ის მსოფლიო საკონცერტო ტურნე 27 სექტემბერს, ნიუ-ორლეანში გამართული შოუთი დასრულდება.
Renaissance 2022 წელს გამოვიდა და Billboard 200-ის ალბომების ჩარტებში პირველ ადგილიც დაიკავა. ნამუშევარმა გრემის ჯილდოც დაიმსახურა – ამერიკის ხმისჩამწერმა აკადემიამ Renaissance გამარჯვებულად საუკეთესო საცეკვაო/ელექტრონული ალბომების კატეგორიაში დაასახელა. ალბომში შესულმა სამმა სიმღერამ გრემის ჯილდო დამოუკიდებლადაც მოუპოვა. Break My Soul-მა საუკეთესო საცეკვაო/ელექტრონული ჩანაწერის ნომინაციაში გაიმარჯვა, Plastic Off the Sofa-ს ჯილდო საუკეთესო R&B შესრულებისათვის გადაეცა, ხოლო Cuff It გრემის მფლობელი საუკეთესო R&B სიმღერის ნომინაციაში გახდა.
ნახეთ ბიონსეს მიერ ინსტაგრამზე გამოქვეყნებული ვიდეო აქ.
