მადონა უკვე სახლშია და თავს უკეთ გრძნობს. ბაქტერიული ინფექციის დიაგნოზით მომღერალმა რამდენიმე დღე საავადმყოფოში გაატარა.
რამდენიმე დღის წინ მადონას მენეჯერმა ინსტაგრამზე დაწერა, რომ მომღერალი ინტენსიური თერაპიის ქვეშ იყო მას შემდეგ, რაც მომღერალს „სერიოზული ბაქტერიული ინფექცია” შეხვდა. „მისი ჯანმრთელობა უმჯობესდება, თუმცა ის მაინც რჩება სამედიცინო დაკვირვების ქვეშ.”
ამ ეტაპზე არ ვრცელდება ინფორმაცია, თუ რამ გამოიწვია ბაქტერიული ინფექცია. თუმცა ჰოსპიტალიზაციის გამო, მადონა იძულებული გახდა, მასშტაბური ტურნე დროებით შეეჩერებინა. „ამ ეტაპზე გვიწევს, შევაჩეროთ ყველაფერი, მათ შორის ტურნეც.” – დაწერა მენეჯერმა. „მალე გაგიზიარებთ ტურნეს დაწყების თარიღსა და შეცვლილ განრიგს.”
ტურნე, რომელიც მადონას ჰიტების 40 წლის იუბილეს ეძღვნება, 15 ივლისს ვანკუვერში უნდა დაწყებულიყო.
