Cardi B პარიზის მოდის კვირეულის ფარგლებში Thom Browne-ის სადებიუტო ე.წ .ოტ კუტიურ ჩვენებას დაესწრო. როდესაც ჩვენება დასრულდა და რეპერმა Palais Garnier-ის ოპერის შენობა დატოვა, მას მედიის წარმომადგენლები და ფოტოგრაფები ელოდებოდნენ. Cardi B-მ აღნიშნა, რომ შოუ ძალიან მოეწონა.
ამ დროს სიახლოვედ ქუჩის მომღერალი იყო, რომელმაც ვარსკვლავს სთხოვა, რომ მასთან ერთად ემღერა. Cardi B მიკროფონს მიუახლოვდა და უიტნი ჰიუსტონის სიმღერის, სახელწოდებით I Will Always Love You მცირე მონაკვეთი იმღერა. ამის შემდეგ რეპერმა ავტოგრაფები დაარიგა, ავტომობილში ჩაჯდა და ტერიტორია დატოვა.
აღსანიშნავია, რომ Cardi B პარიზის მოდის კვირეულის ფარგლებში არაერთ ჩვენებაზე დააფიქსირეს. მათ შორის არის Schiaparelli-ის ოტ კუტიურ კოლექციის ჩვენება, რომელზეც ვარსკვლავი სწორედ ამ მოდის სახლის შთამბეჭდავ კოსტიუმში გამოწყობილი გამოჩნდა.
