ტონი ბენეტის სამენეჯერო კომპანიის განცხადებით, 96 წლის მომღერალი 21 ივლისს ნიუ-იორკში, საკუთარ სახლში გარდაიცვალა.
2016 წელს ბენეტს ალცჰაიმერის დიაგნოზი დაუსვეს. 2021 წელს კი მას შემდეგ, რაც ლედი გაგასთან ერთად კონცერტი სახელწოდებით One Last Time გამართა, განაცხადა, რომ სცენიდან მიდიოდა.
1950 წლიდან მოყოლებული ტონი ბენეტს უწყვეტი კარიერა ჰქონდა. მას მოგებული აქვს 19 გრემის ჯილდო. გამოცემული აქვს 60-ზე მეტი ალბომი, რომელთაგანაც 44 ბილბორდის 200 ალბომის ჩარტშია შესული. თანამშრომლობამ ლედი გაგასთან, ემი უაინჰაუსთან, ელვის კოსტელოსა და სხვა თანამედროვე არტისტებთან მას პოპულარობის კიდევ ახალი ტალღა მოუტანა და 2011 წელს 85 წლის ასაკში გამოცემული ალბომი Duets II ბილბორდის 200 ალბომის ჩარტში პირველი ადგილი დაიკავა.
