BTS-ის წევრმა, რომელიც მსმენელისათვის V-ის სახელით არის ცნობილი, პროექტისათვის Tiny Desk Korea სოლო მუსიკალური სესია შეასრულა. Tiny Desk ამერიკული არაკომერციული ორგანიზაციის National Public Radio-ს საერთაშორისო სპეციალური პროგრამაა.
V-ის სესია აგვისტოში, სეულში ჩაიწერა. პროგრამაზე ფროდაქშენის სპეციალურმა გუნდმა იმუშავა. სესიისათვის შეიქმნა ბენდიც, რომელიც რვა წევრისაგან შედგება. ბევრი მათგანი ჩაწერისათვის შეერთებული შტატებიდან სეულში სპეციალურად ჩავიდა.
V-მ სოლო სტუდიური ალბომიდან Layover სამი სიმღერა შეასრულა. Love Me Again, Slow Dancing და For Us – თერთმეტ წუთიანი სესიის მსვლელობისას ეს კომპოზიციები გაჟღერდა. „ეს სიმღერები სიმშვიდის განცდას აღძრავს. თითქოს ყოველგვარი ძალისხმევის გარეშე, დამამშვიდებელ პაუზას გვთავაზობენ“ – მშობლიურ ენაზე აღნიშნავს არტისტი ჩანაწერში.
არტისტმა Layover 8 სექტემბერს გამოსცა და ის მსმენელმა კარგად მიიღო. K-pop-ის შემსრულებელმა არტისტმა ალბომში ექვსი ტრეკი გააერთიანა.
აღსანიშნავია, რომ V-სათვის Tiny Desk-ის ფორმატი სიახლე არ არის. BTS-მა პროგრამისათვის მუსიკალური სესიები 2020 და 2022 წლებში ჩაწერა.
ნახეთ Tiny Desk-ის უახლესი ეპიზოდი:
