ბაჩო ჯიქიძის & ესთეტი ბიჭების პირველი ოფიციალური სიმღერის ჩანაწერი სახელწოდებით „ხელიხელჩაკიდებულები“ 24 ნოემბერს YouTube პლატფორმაზე გამოქვეყნდა.
ბაჩო ჯიქიძე:
„ერთი წელია, რაც ამ შემადგენლობით ბენდი გვყავს და დაახლოებით ათამდე კონცერტი გვაქვს გამართული. ამ კონცერტებზე რა სიმღერებსაც ვუკრავთ, მათი უმრავლესობის ჩანაწერი არ არსებობს, ამიტომ ნელ-ნელა ყველა ჩანაწერის გაკეთება გადავწყვიტეთ. ჯერჯერობით ექვსი სიმღერა გვაქვს. ეს ექვსი სიმღერა ნაბიჯ-ნაბიჯ დაიდება. სიმღერა „ხელჩაკიდებულები“ პირველი სიმღერაა, რომელიც გამოქვეყნდა და რომელსაც ყველა ლაივზე ვუკრავთ. ექვსივე სიმღერის პროდიუსინგში თორნიკე ჯაფიაშვილი მეხმარებოდა, სიმღერები კი Duo Records-ში არის ჩაწერილი.
მიუხედავად იმისა, რომ სიმღერის კარგი ჩანაწერი აქამდე არ არსებობდა და მხოლოდ ლაივ ჩანაწერი იდო, ჩვენმა ერთგულმა მსმენელებმა ეს სიმღერა ზეპირად იცოდა. ჩვენი ბენდის წევრების უმრავლესობა On The Road-ის ჯგუფის წევრები არიან, ყველა ერთად გავიცანი და ახლა ერთად ვუკრავთ.“
