7 დეკემბერს Billboard Georgia Stage-ის მუსიკალური საღამოების სერიის ფარგლებში კიდევ ერთი კონცერტი გაიმართა. Republic Event Hall-ის სცენაზე ჯგუფი 4D Monster Lobsters წარდგა. ჯგუფმა მსმენელისათვის კარგად ნაცნობ სიმღერებთან ერთად შეასრულა ტრეკები, რომლებიც მათ ახალ EP-შია შესული.
4D MONSTER LOBSTERS 2019 წელს დაარსდა. ჯგუფი ჟანრობრივად ფსიქოდელიურ ელექტრო პოპად არის განსაზღვრული, თუმცა ბენდის ჟღერადობა იმდენად მრავალფეროვანია, რომ რთულია, რომელიმე მიმდინარეობას მიაკუთვნო.
რაც შეეხება პროექტს Billboard Georgia Stage – ეს არის Live კონცერტების სერია, რომლის წარმდგენია Club Iveria და „სილქნეტი“. აღსანიშნავია, რომ 4D MONSTER LOBSTERS-ის ლაივი პროექტის ფარგლებში გამართული მესამე კონცერტი იყო. Billboard Georgia Stage-ის მუსიკალური საღამოების სერია გრემის მფლობელმა ჯაზ მუსიკოსმა, კორი ჰენრიმ გახსნა. მეორე კონცერტზე კი მსმენელის წინაშე Killages წარდგა.
