ლანა დელ რეი მალე ახალ ალბომს გამოსცემს. Lasso – ასე ჰქვია დაანონსებულ ჩანაწერს და ის სექტემბერში გამოვა. აღნიშნული სიახლის შესახებ არტისტმა Billboard-ის ღონისძიებაზე ისაუბრა. ეს არის ღონისძიება, რომელსაც Billboard გრემის დაჯილდოებამდე მართავს.
ღონისძიებაზე ლანა დელ რეიმ შეკრებილ აუდიტორიას თავისი ახალი პროექტისა შესახებ განუცხადა. Lasso, რომელიც ლანა დელ რეის მე-10 სტუდიური ალბომია, ავტორისათვის ახალი მუსიკალური მოგზაურობს დასაწყისიცაა, რადგან ნამუშევარი ჟანრობრივად ქანთრია. ამ დროისათვის ბოლო, მე-9 სტუდიური ალბომი – Did You Know That There’s a Tunnel Under Ocean Blvd ლანა დელ რეიმ 2023 წელს გამოსცა. რომელიც Billboard 200-ის ჩარტში მე-3 პოზიციას იკავებდა.
აღსანიშნავია, რომ გრემის დაჯილდოებამდე გამართულ წვეულებაზე ლანა დელ რეი სცენიდან მუსიკალური პროდიუსერის და თავისი შემოქმედებითი პარტნიორის, ჯეკ ანტონოფის წარმატებას აღნიშნავდა. ანტონოფი ამჟამად რვა გრემის მფლობელია. გარდა ლანა დელ რეის ალბომებისა, ის მუშაობდა ისეთი ვარსკვლავების ჩანაწერებზე, როგორიც მაგალითად ტეილორ სვიფტია. 2024 წლის გრემის დაჯილდოება მისთვის განსაკუთრებულად მნიშვნელოვანია, რადგან სხვადასხვა ალბომით და მუსიკალური ნამუშევრით ჯეკ ანტონოფი ექვსი ნომინაციით არის წარმოდგენილი. გარდა ამისა, ანტონოფი ნომინირებულია წლის პროდიუსერის კატეგორიაშიც.
