დუა ლიპას ახალი ალბომი Radical Optimism 3 მაისს გამოიცა. 11 ტრეკისგან შემდგარი LP არტისტის პირველი ალბომია მას შემდეგ, რაც 2020 წელს მომღერალმა Future Nostalgia გამოუშვა. Radical Optimism სრულიად ახალ სიმღერებთან ერთად აერთიანებს უკვე გამოქვეყნებულ ისეთ სინგლებს, როგორებიც არის: Houdini, Training Season და Illusion.
„[ალბომის გამოცემა] კარგი გრძნობაა, უკეთესი სიტყვებით ვერ აღვწერ ამ გრძნობას”- თქვა ალბომზე საუბრისას დუა ლიპამ ბილბორდთან უწინდელ ინტერვიუში.
28 წლის მომღერალმა სამუშაო პროცესზე Apple Music-თან ინტერვიუშიც ისაუბრა. პროექტის წამყვანთან, ზეინ ლოუსთან საუბრისას მუსიკოსმა დაასახელა ის სიმღერა, რომელიც მასთან ყველაზე ახლოს არის. „ეს სიმღერა ალბომის ბოლო ტრეკია და მისი სახელია Happy for You. ეს სიმღერა მიყვარს, რადგან ის არის ადამიანებზე, რომლებთანაც წარსულში ურთიერთობა გქონდა, შემდეგ კი მათ თავიანთი ცხოვრება გააგრძელეს, თუმცა შენ მათი ბედნიერება გიხარია,“ – აღნიშნა დუა ლიპამ.
