მაისის პირველ ორშაბათს, 6 მაისს, მოდის ინდუსტრიაში წლის ყველაზე დიდი მოვლენა – 2024 წლის Met Gala გაიმართა. საზეიმო ხალიჩამ ტრადიციულად გააერთიანა თანამედროვე პოპ-კულტურის ვარსკვლავები.
Met Gala კოსტიუმირებული მიღებაა, რომელიც წინ უძღვის მეტროპოლიტენის მუზეუმის განყოფილების, კოსტიუმების ინსტიტუტის ყოველწლიურ თემატურ გამოფენას. წლევანდელი გამოფენის თემაა „მძინარე მზეთუნახავები: მოდის გამოღვიძება”. სწორედ ამ თემატიკის მიხედვით შეირჩა Met Gala-ს წლევანდელი დრესკოდიც და მისი სახელწოდებაა The Garden of Time.
ერთ-ერთი ვარსკვლავი, რომლის გამოჩენამ წელს პრესის ყურადღება განსაკუთრებით მიიპყრო, ლანა დელ რეია. მომღერალი Met Gala-ს ხალიჩაზე პირველად 2018 წელს წარდგა. ვარსკვლავმა მოდის სახლ Alexander McQueen-ის კოსტიუმი მოირგო.
რაც შეეხება ღონისძიების შემდეგ დაანონსებულ გამოფენას, ის მეტროპოლიტენის მუზეუმის მუდმივ არქივში და მოდის სახლების საარქივო კოლექციებში წარმოდგენილ 250-მდე უნიკალურ კოსტიუმს გააერთიანებს. გამოფენა 10 მაისს გაიხსნება.
