20 სექტემბერს ბობ დილანის ადრე გამოუქვეყნებელი ჩანაწერების 27-დისკიანი კრებული გამოვა. ამის შესახებ ლეგენდარულმა მუსიკოსმა თავად განაცხადა. ჩანაწერები ასახავს მის 1974 წლის საკონცერტო ტურნეს ჯგუფ „The Band“-თან ერთად. ბოქს-სეტი სახელწოდებით Bob Dylan – 1974 Live Recordings შეიცავს 431 სიმღერას, რომელთაგან 417 ჯერ არ არასდროს გამოქვეყნებულა. ერთი სიმღერის მოსმენა Youtube-ზე უკვე შესაძლებელია. ეს არის Forever Young, რომელიც დილანმა 1974 წლის 9 თებერვალს სიეტლში შეასრულა.
1974 Live Recordings აღნიშნავს დილანის საკონცერტო ტურნეში დაბრუნების 50 წლის იუბილეს (1966 წელს ლეგენდარული მუსიკოსი თავისი მოტოციკლით ავარიაში მოჰყვა და მძიმე დაზიანებების გამო რვა წლის განმავლობაში სცენაზე ვერ გამოდიოდა).
ცოტა ხნის წინ 83 წლის დილანმა კიდევ ერთ ლეგენდარულ მუსიკოსთან, ვილი ნელსონთან ერთად გამართა კონცერტი, სექტემბერში კი მასთან ერთად ტურნეს ჩაატარებს.
