ბათუმში, Iveria Beach-ზე მუსიკალური საღამოები გრძელდება. 9 აგვისტოს Mastercard-ის წარდგენით სამხრეთ აფრიკელი მუსიკოსის, Esa Williams-ისა და მისი მუსიკალური კოლექტივის, Esa’s Afro-Synth Band-ის ლაივი გაიმართება.
Esa Williams აფრიკელი დიჯეი და პროდიუსერია, რომელმაც მსოფლიო ცნობადობა მოიპოვა და აუდიტორიის წინაშე არაერთ ქვეყანაში წარდგა. სწორედ მან ჩამოაყალიბა მუსიკალური კოლექტივი Esa’s Afro-Synth Band. ბენდის მუსიკა სინთებისა და დასარტყამი საკრავების ერთიანობით შთამბეჭდავ ჟღერადობას ქმნის. ბენდი თავისი შემოქმედებით არა მხოლოდ სამხრეთ აფრიკული საცეკვაო მუსიკის მემკვიდრეობას აცოცხლებს, არამედ მასში ინოვაციური კონცეფციაც შეაქვს.
მუსიკალურ საღამოს ქართველი არტისტი დავით მაჩაიძე გახსნის, რომელსაც მსმენელი იცნობს სასცენო სახელით – Machaidze. არტისტი ელექტრონული მუსიკის სცენაზე ცნობილია House-ის ჟანრში თავისი გამორჩეული, ჰარმონიული ჟღერადობით. მისი მუსიკა აერთიანებს ისეთ ჟანრებს, როგორებიც არის: ფანკი, დისკო, ჯაზი და ე.წ. Soulful house.
მუსიკალურ საღამოზე მოქმედებს ასაკობრივი შეზღუდვა: +21. ბილეთების შესაძენად ეწვიეთ ბმულს.
ღონისძიების შესახებ დეტალებს გაეცანით ბმულზე.
