დინ მარტინის სიმღერა, სახელწოდებით It’s Beginning to Look a Lot Like Christmas ბილბორდის Adult Contemporary Chart -ში პირველად მოხვდა. ლეგენდარულმა შემსრულებელმა სიმღერა დაახლოებით 72 წლის წინ იმღერა.
სიმღერის ახალი ჩანაწერი 14 ოქტომბერს გამოქვეყნდა. პრესრელიზის თანახმად ეს დინ მარტინის ყველაზე ადრეული და ცნობილი სადღესასწაულო ჩანაწერია. აღსანიშნავია, რომ დინ მარტინის ეს სიმღერა მისი კლასიკური საშობაო სიმღერის ერთადერთი ვერსიაა, რომელიც მერედიტ უილსონმა 1951 წელს დაწერა. თავად სიმღერა კი 1952 წლის 16 დეკემბერს NBC-ის რადიოგადაცემა The Martin and Lewis Show-ს ფარგლებში ჩაიწერა.
დინ მარტინის სიმღერის It’s Beginning to Look a Lot Like Christmas-ის ახალი ანიმაციური ვიდეოს პრემიერა 14 ნოემბერს შედგა. ლეგენდარული შემსრულებელი 1995 წელს, შობის დღეს, 78 წლის ასაკში გარდაიცვალა. მისი სიმღერა კი Adult Contemporary chart-ში კვლავ აგრძელებს რეიტინგის დაპყრობას. ბილბორდ ჩარტში დინ მარტინი პირველად 1964 წელს, ლეგენდარული სიმღერით Everybody Loves Somebody-ით შევიდა.
გასული საახალწლო სეზონის დროს დინ მარტინმა ჩარტების ისტორიაში კვლავ შეიტანა თავისი წვლილი, როდესაც 1959 წლის სიმღერა Let It Snow, Let It Snow, Let It Snow ბილბორდ 100-ში მეშვიდე ადგილზე გავიდა. სიმღერამ პირველად დაიკავა ტოპ ათეულში ადგილი.
ამ დრომდე ჩარტებში სიმღერა It’s Beginning to Look a Lot Like Christmas- ის ორი ვერსიაა შესული. 2020 წელს მეთორმეტე ადგილზე მოხვდა პერი კომოს, ფონტიენ სისტერსისა და მიშელ ეირისისა შესრულება ორკესტრის თანხლებით და 2023 წელს, მე-19 ადგილზე, მაიკლ ბუბლეს ვერსია. ორივე ჩანაწერი ბილბორდ Holiday 100-ის ჩარტში მერვე ადგილზე გავიდა.
