2018 წელს ბილბორდის გუნდმა ახალი პროექტი, „წლის უდიდესი პოპ ვარსკვლავების” სერია დაიწყო. პროექტში 1981 წლიდან დღემდე, წლის უდიდესი პოპ ვარსკვლავების ჩამონათვალია. ბილბორდმა დაინტერესებულ მკითხველს პოპ-ვარსკვლავების შესახებ დამატებით ინფორმაციის სახით სტატიები და თემატური სია შესთავაზა, სადაც წლის განმავლობაში პოპულარულ არტისტებზე საუბრობს. ნახეთ სტატია, სადაც კენდრიკ ლამარისა და ედ შირანის 2017 წლის მიღწევებია განხილული.
აღსანიშნავია, რომ 2017 წლის ყველაზე წარმატებული სიმღერა ედ შირანის Shape of You იყო, თუმცა ბევრმა ამ არტისტის შესახებ არაფერი იცოდა და ხშირად იგი ჯასტინ ტიმბერლეიკშიც კი ეშლებოდათ.
2017 წელს უდიდესი მუსიკალური მოვლენა გახდა კენდრიკ ლამარი. ჯერ კიდევ მანამ, სანამ მისი ალბომი DAMN გამოვიდოდა, უკვე არსებობდა მოლოდინი, რომ კენდრიკ ლამარის პოპ-ვარსკვლავობა გარდაუვალი იყო.
სტატისტიკურად, ედ შირანი ნეიტრალურ მუსიკალურ სივრცეებში დომინირებდა, თუმცა კენდრიკ ლამარის სუპერ-ვარსკვლავობა რიცხობრივად გაცილებით მასშტაბური იყო.
აქვე უნდა აღინიშნოს, რომ გლობალურმა მუსიკალურმა არხმა MTV-მ, ფერადკანიანი არტისტების ვიდეოკლიპების ჩვენება მხოლოდ მას შემდეგ დაიწყო, რაც მაიკლ ჯექსონმა 1983 წლის მარტში მუსიკალური ვიდეო Billie Jean გამოაქვეყნა. მუსიკის ჟურნალისტი დენ ჩარნასი წიგნში The Big Payback აღნიშნავს, რომ 1984 წელს არხმა სულ ათზე ნაკლები რეპ-ვიდეო ჩართო პროგრამაში.
ბილბორდის პროექტის „წლის უდიდესი პოპ ვარსკვლავების” სრული სიის სანახავად, რომელიც 1981-2023 წლებს მოიცავს, ეწვიეთ ბმულს.
