ლედი გაგასთან ერთად შექმნილი სიმღერა Die With a Smile-ის შემდეგ, რომელიც კვლავ ბილბორდის საუკეთესო 100-ში პირველ ადგილზე რჩება, ბრუნო მარსი ახალ სინგლს უშვებს.
ბრუნო მარსი Sexyy Red-თან ახალ კოლაბორაციულ ნამუშევარს სულ მალე გამოაქვეყნებს. ამის შესახებ გრემის გამარჯვებულმა სუპერვარსკვლავმა 22 იანვარს სოციალურ ქსელში დაწერა და სიმღერის ფრაგმენტი გააზიარა.
„ის ვიპოვე,“ – ასე დაასათაურა პოსტი ბრუნო მარსმა, სადაც Sexyy Red-თან ერთად პოზირებს.
ჯერ უცნობია, როდის გამოვა სინგლი, თუმცა სოციალური ქსელების მომხმარებლები ვარაუდობენ, რომ ეს 24 იანვარს მოხდება. მისი სავარაუდო სახელწოდება Fat, Juicy & Wet იქნება.
აღსანიშნავია, რომ ბრუნო მარსის და ლედი გაგას დუეტი Die With a Smile ზედიზედ მესამე კვირაა, რაც ბილბორდ საუკეთესო 100-ში ლიდერობს.
„მადლობა ყველას! ახლა მივდივარ სტუდიაში, რათა მხიარული და ენერგიული, საცეკვაო სიმღერა შევქმნა. ვინმე დამეხმარეთ და Sexyy Red-თან დამაკავშირეთ.” – წერდა ბრუნო მარსი ინსტაგრამზე.
ტრეკი, სავარაუდოდ, ბრუნო მარსის წლის პირველი სინგლი იქნება. ამასთანავე, ეს მისი და Sexyy Red-ის პირველი თანამშრომლობაა.
ნახეთ თიზერი:
