Beyoncé-ს აქამდე არაერთ ფილმში მიუღია მონაწილეობა, თუმცა, დედის, ტინა ნოულზის თქმით, 35-გზის გრემის მფლობელმა მომღერალმა კინოკარიერა დიდი ხანია, უკან მოიტოვა.
ტინა ნოულზის თქმით “Beyoncé-მ „გადაწყვიტა, კინოში მოღვაწეობა აღარ გაეგრძელებინა.“
ამერიკელმა ბიზნესვუმენმა და მოდის დიზაინერმა ტინა ნოულზმა, რომელიც Beyoncé-სა და Solange-ის დედაა, 7 მარტს ინსტაგრამზე გაამხილა, რომ Beyoncé-ს დიდ ეკრანზე დაბრუნების არავითარი გეგმა არ აქვს. ტინამ სოციალურ ქსელში ვიდეო გააზიარა, სადაც Beyoncé 2008 წლის ფილმ Cadillac Records-ში ეტა ჯეიმსის როლს ასრულებს და სიმღერა I’d Rather Go Blind-ს მღერის.
„ეს ფილმი ერთ-ერთი ჩემი ფავორიტია და მწყინს, რომ ჩემმა შვილმა კინოკარიერა დაასრულა. იგი შეუდარებელია ამ ფილმში და ამასთანავე, აღებული ჰონორარი უანგაროდ გადაურიცხა ორგანიზაციას Phoenix House”- წერს ტინა ნოულზი.
Phoenix House არაკომერციული ორგანიზაციაა, რომელიც ნარკოტიკებსა და ალკოჰოლზე დამოკიდებულ პირებს რეაბილიტაციის პროგრამას სთავაზობს. გავრცელებული ინფორმაციით, Beyoncé-მ Cadillac Records-დან მიღებული 4 მილიონი დოლარის ჰონორარი სწორედ ამ ფონდს შესწირა.
რეჟისორ დარნელ მარტინის მიერ გადაღებული მუსიკალური ბიოგრაფია ერთ-ერთი იმ რამდენიმე ფილმთაგანია, რომლებშიც Beyoncé მონაწილეობდა, თუმცა დიდ ეკრანზე პოპვარსკვლავი დიდი ხანია აღარ გამოჩენილა. Beyoncé-ს სამსახიობო დებიუტი 2001 წლის სატელევიზიო ფილმში Carmen: A Hip Hopera-ში შედგა, იგი ასევე მონაწილეობდა ფილმებში: Austin Powers in Goldmember (2002), The Fighting Temptations (2003), The Pink Panther (2006), Dreamgirls (2006) და Obsessed (2009).
Beyoncé ანიმაციურ პერსონაჟებსაც ახმოვანებს: 2013 წელს ანიმაციურ ფილმში Epic დედოფალი ტარას როლი გაახმოვანა, 2019 წელს კი The Lion King-სა და 2024 წელს Mufasa: The Lion King-ში პერსონაჟ ნალას ახმოვანებდა.
მიუხედავად იმისა, რომ Beyoncé-ს გულშემატკივრებს კვლავ სურთ მისი კინოში ხილვა, იგი ამჟამად ბევრი სხვა პროექტით არის დაკავებული. ამ ეტაპზე მომღერალი Cowboy Carter ტურნესთვის ემზადება, რომელიც Billboard 200-ის ლიდერ ალბომს ეძღვნება. ამ ალბომმა 2025 წლის გრემის დაჯილდოებაზე წლის საუკეთესო ალბომისა და საუკეთესო ქანთრი ალბომის ტიტული მიიღო. გასულ წელს, Beyoncé-მ ახალი თმის მოვლის ბრენდი Cécred დააარსა.
