6 აპრილს HBO-ს პოპულარული სერიალის, The White Lotus-ის მესამე სეზონის ფინალი შედგა. ახლახან სოციალურ ქსელში გავრცელდა ვიდეო, რომელშიც სერიალის მსახიობები, მათ შორის Lisa და ნატაშა როთველი დაძაბული სეზონის ფინალის შემდეგ Doechii-ის ჰიტზე, Anxiety-ზე ცეკვავენ.
ვიდეო ნატაშა როთველის TikTok-ზე გამოქვეყნდა. მსახიობი, რომელიც სერიალში ბელინდას როლს ასრულებს, აივანზე მარტო ცეკვავს, შემდეგ კადრში კი BLACKPINK-ის ვარსკვლავი Lisa და მსახიობები ტეიმ თაპთიმთონგი, უოლტონ გოგინსი, მიშელ მონეჰენი და ჯონათან გრაისი უერთდებიან. მსახიობები სხვადასხვა მოძრაობით ასრულებენ ცეკვის ტრენდს, რომელიც 90-იანი წლების სატელევიზიო სიტკომის, Fresh Prince of Bel-Air-ის შთაგონებით შეიქმნა და ბოლო კვირებში TikTok-ზე Anxiety-ს ჰიტთან ერთად გავრცელდა.
The White Lotus-ის მესამე სეზონის ფინალი მაყურებლისთვის მოულოდნელი და შთამბეჭდავი აღმოჩნდა. Lisa-მ სერიალში ტაილანდური სასტუმროს თანამშრომლის როლი შეასრულა. მომღერალმა Instagram-ის პოსტში თავისი სამსახიობო დებიუტი გაიხსენა. „როგორი თავგადასავალი იყო! დიდი პატივია, რომ ამ სერიალში ჩემი დებიუტი ასეთ არაჩვეულებრივ მსახიობებთან ერთად შედგა.“
რაც შეეხება ტრეკს, YouTube-ზე 2019 წელს ატვირთული Anxiety სტრიმინგ პლატფორმებზე ოფიციალურად მარტში გამოქვეყნდა. სიმღერამ ამავე თვის Billboard Hot 100-ის მე-10 პოზიცია დაიკავა და Doechii-სთვის ჩარტის ტოპ ათეულში შესული პირველი ჰიტი გახდა.
სიმღერის პოპულარობას TikTok-ის ტრენდიც უწყობს ხელს, რომლის ქორეოგრაფიაც შთაგონებულია სერიალ Fresh Prince-ის პირველი ეპიზოდის სცენით, რომელშიც უილ სმიტი და ტატიანა ალი მონაწილეობენ. ცოტა ხნის წინ ორივე მსახიობმა ეს სცენა კიდევ ერთხელ გააცოცხლა და ტრენდში ჩაერთო, მარტში კი ვიდეო გადაიღეს, რომელშიც მოულოდნელად Doechii-ც გამოჩნდა.
@natasharothwell It’s giving anxiety. It’s giving suspense. It’s giving @The White Lotus ♬ original sound – Natasha Rothwell
