3 სექტემბერს პოპვარსკვლავმა ახალი სიმღერის, The Dead Dance-ის ვიდეოკლიპი გამოსცა, რომელიც Netfllix-ის სერიალ Wednesday-ის მეორე სეზონისთვის შეიქმნა.
კლიპის რეჟისორი თავად ტიმ ბარტონია. ვიდეოში Lady Gaga ფაიფურის თოჯინის სახით გვევლინება, რომელსაც სახეზე ბზარები აქვს.
პარალელურად, Lady Gaga-მ 2025 წლის ალბომის, Mayhem-ის დელუქს-ვერსიაც წარადგინა, სადაც სიმღერა – The Dead Dance და ორი ადრე გამოცემული სინგლი, Kill for Love და Can’t Stop the High არის შესული.
სიმღერა The Dead Dance Wednesday-ის მეორე სეზონისთვის შეიქმნა, რომლის დასკვნითი ნაწილიც სწორედ 3 სექტემბერს გამოვიდა. ახალ ეპიზოდებში Lady Gaga როზალინ როტვუდს ასახიერებს.
Billboard-თან ინტერვიუში შოუს კომპოზიტორმა კრის ბეიკონმა Lady Gaga-ს შესრულება მოიწონა და ასევე ისაუბრა იმაზე, თუ როგორ შეიქმნა სცენების მუსიკალური გაფორმება: „Lady Gaga-ს ეკრანზე გამოჩენა ძალიან ამაღელვებელი იყო… მას ბუნებრივად მოაქვს იდუმალებისა და მისტიურობის ელფერი, რომელიც Wednesday-ს სამყაროს იდეალურად ერგება.” – კრის ბეიკონმა ასევე აღნიშნა, რომ Lady Gaga-ს მუსიკალურ სცენებზე მუშაობა მისთვის სასიამოვნო და საინტერესო იყო.
ნახეთ Lady Gaga-ს ოფიციალური მუსიკალური ვიდეო The Dead Dance.
