რიანამ 24 სექტემბერს განაცხადა, რომ მისი ქალიშვილი როკი აირიშ მაიერსი 13 სექტემბერს დაიბადა. პოპვარსკვლავმა ფოტო გამოაქვეყნა, სადაც ვარდისფერ ტანსაცმელში გამოწყობილი ჩვილი უჭირავს ხელში.
A$AP Rocky-მ ჟურნალ Elle-ისთვის მიცემულ ინტერვიუში, რომელიც 23 სექტემბერს გამოქვეყნდა, თქვა, რომ წყვილს სურდა, გოგო შესძენოდათ. “მართლა მინდა, გოგო გვყავდეს. ამისთვის ვლოცულობ.” – თქვა რეპერმა. ივნისში კი მუსიკოსმა ჟურნალ Entertainment Tonight-თან საუბრისას შვილის სქესი შემთხვევით გაამჟღავნა. ბრიუსელში, „სმურფების“ პრემიერაზე, სადაც რიანა მონაწილეობს, A$AP Rocky-ს ჰკითხეს, იქნებოდა თუ არა ბავშვი გოგო, რომელსაც ასე ელოდა, რეპერმა კი ღიმილით, თანხმობის ნიშნად თავი დაწია, ხელში სმურფეტის სათამაშო აიღო და უპასუხა: “აი, აქაა. აი, აქ.”
რიანას და და A$AP Rocky-ს უკვე ჰყავთ ორი ვაჟი, სამი წლის რიზა და ორი წლის რაიოტ როუზი. A$AP Rocky კი ოჯახურ ტრადიციას აგრძელებს და შვილებს ასო R-ზე დაწყებულ სახელებს არქმევს. თუმცა ცოტა ხნის წინ ჟურნალ GQ-სთან განაცხადა, რომ მომავალ შვილს დენზელს დაარქმევდა კოლეგის, დენზელ ვაშინგტონის საპატივცემულოდ. „ამას არ აქვს მნიშნველობა. ის იქნება პირველი ქალი, რომელსაც დენზელი ერქმევა, ჩვენ ეს უკვე გადავწყვიტეთ.” – ამბობდა მაშინ რეპერი.
აღსანიშნავია, რომ რიანამ მესამე შვილის შესახებ პირველად 2025 წლის Met Gala-ს წითელ ხალიჩაზე განაცხადა.
ნახეთ პოპვარსკვალვის პოსტი ქალიშვილთან ერთად:
