რეპერი და მსახიობი A$AP Rocky სპაიკ ლის ფილმ Highest 2 Lowest-ის გადაღების შემდეგ ფსიქოლოგიური თრილერ ფილმით If I Had Legs I’d Kick You ბრუნდება. ფილმში მას პარტნიორობას დენზელ ვაშინგტონის ნაცვლად როუზ ბირნი გაუწევს.
ჟურნალ Elle-თან საუბრისას A$AP Rocky-მ ახალი ფილმის შინაარსზე ისაუბრა: „მთელი ეს ფილმი ერთი დიდი შფოთვითი შეტევაა. ჩემი დამოკიდებულება თერაპიის მიმართ იმდენად პესიმისტურია, რომ სასაცილოც არ არის. შეიძლება, ამის გამო გამკიცხონ კიდეც… მაგრამ მე თერაპევტებს ასტროლოგების და მკითხავების კატეგორიაში ვაყენებ.” – აღნიშნა რეპერმა.
შემდეგ კი A$AP Rocky-მ დასძინა: „ამას მე ასე ვუყურებ: თუ თქვენ თერაპევტი ერთსა და იმავე გამოცდილებას არ გიზიარებთ, მაშინ რა აზრი აქვს, უცნობ ადამიანს ერთი საათის განმავლობაში მოუყვე ამბავი იმისთვის, რომ ბოლოს გითხრას – კარგი და ახლა რა გრძნობა გაქვთ?”
შემდეგ A$AP Rocky-მ ვარაუდი გამოთქვა, რომ Jay-Z კარგი თერაპევტი იქნებოდა. ინტერვიუერმა კლოვერ ჰოუფმა აღნიშნა, რომ ამ სფეროში ფერადკანიანი თერაპევტების საჭიროებაა, რაზეც A$AP Rocky-მ უპასუხა: “ვფიქრობ Jay-Z კარგი ფერადკანიანი თერაპევტია, ბევრი ადამიანი მიდის მასთან საკუთარ პრობლემებზე სასაუბროდ.”
A$AP Rocky-ს ახალმა პარტნიორმა როუზ ბირნმა იგი შეაქო და თქვა: “როკი ცნობისმოყვარეა, პატივს სცემს საქმეს და ძალიან კრეატიულია. ფილმში ის სასტუმროს მენეჯერის როლს თამაშობს. „ჩემი სცენები მასთან რთული იყო, რადგან ძალიან ბოროტი უნდა ვყოფილიყავი. ვფიქრობ, მისი პერსონაჟი ყველაზე რთული სათამაშოა, რადგან ის გულწრფელი და ემპათიურია სხვების მიმართ. ეს უფრო სახალისო თამაშს ჰგავდა, ის წარმოუდგენლად კრეატიულ, შეურაცხმყოფელ სიტყვებს იგონებდა, და თავად ეცინებოდა.”
ცნობისთვის, რიანას და A$AP Rocky-ს ახლახანს მესამე შვილი შეეძინათ.
ფილმი If I Had Legs I’d Kick You კინოთეატრებში 10 ოქტომბერს გამოვა.
