ცნობილი ამერიკელი მუსიკოსის, Kid Cudi-ს განცხადებით, რეპერ Pusha T-ს ალბომისთვის ჩაწერილი კომპოზიცია Rock N Roll უკანასკნელი ტრეკია, რომელზეც ჰიპ ჰოპ არტისტ ქანიე ვესთთან ერთად იმუშავა. ფუშა თავის ახალ ალბომს It’s Almost Dry 22 აპრილს გამოუშვებს.
Hey! So I know some of you heard about the song I got w Pusha. I did this song a year ago when I was still cool w Kanye. I am not cool w that man. He's not my friend and I only cleared the song for Pusha cuz thats my guy. This is the last song u will hear me on w Kanye -Scott
— The Chosen One : I 💖 YOU FRESHIE 4EVER (@KidCudi) April 19, 2022
ვესთმა ფუშას ახალ ალბომზე პროდიუსერ ფარელ უილიამსთან ერთად იმუშავა. ის აგრეთვე ჩანაწერში შესულ ტრეკში Dreamin of the Past მონაწილეობს. ნამუშევარში მოწვეული არტისტების რანგში აგრეთვე შეხვდებით ჯეი ზის, დონ თოლივერს, ლილ უზი ვერტს, მელისს და ლაბირინთს.
ქადისა და ქანიეს მრავალწიანი მეგობრობა და თანამშრომლობა აკავშირებთ. საზოგადოებამ მათი ურთიერთობის დაძაბვის შესახებ მას შემდეგ შეიტყო, რაც ვესთმა თავის სტუდიურ ჩანაწერში Donda 2 შემავალი ერთ-ერთი კომპოზიციიდან ქადის ვერსი ამოჭრა.
მანამდე რეპერებს უთანხმოება 2013 წელს მოუვიდათ, როდესაც ქიდ ქადიმ ქანიეს ლეიბლი G.O.O.D. დატოვა და ვესთი უყურადღებობაში დაადანაშაულა. ამ უკანასკნელმა კოლეგას მასზე საუბარი აუკრძალა, თუმცა, მოგვიანებით ქანიე ქადის შეურიგდა და განაცხადა – “ჩემი ძმაა. ბოლო ათწლეულის ყველაზე გავლენიანი არტისტი”. მას შემდეგ შემსრულებლებმა წარმატებული კოლაბორაციული ალბომი Kids See Ghosts ჩაწერეს. თუმცა, მიმდინარე წლის თებერვალში ვესთმა ქადი თავისი ტრეკიდან იმიტომ ამოჭრა, რომ ის თავისი ყოფილი ცოლის, კიმ კარდაშიანის ამჟამინდელ შეყვარებულს, პიტ დევიდსონს ემეგობრებოდა.
სკოტ მესკუდიმ, სასცენო სახელით Kid Cudi, მუსიკალური კარიერა 2008 წელს დაიწყო. არტისტი ცნობილი ხუთმაგი პლატინის სტატუსის მქონე ჰიტით Day ‘n’ Nite გახდა, რომელიც ქადის სადებიუტო, კომერციულად ყველაზე წარმატებული ალბომის Man On The Moon: The End Of Day სინგლია. მელანქოლიური ხასიათის შემოქმედების მქონე მუსიკოსს 7 სოლო და ორი კოლაბორაციული ალბომი აქვს გამოშვებული. ორი გრემის ჯილფოს მფლობელ შემსრულებელს 22 მილიონი ჩანაწერი აქვს გაყიდული.
