ნინი ნუცუბიძემ ახალი მუსიკალური ვიდეო გაავრცელა, რომელიც გადაღებულია სიმღერაზე, სახელწოდებით –„ვღელავ”. მუსიკალური ვიდეოს პრემიერა 25 ნოემბერს შედგა. კომპოზიციის და ტექსტის ავტორები ნინი ნიცუბიძე და საბა ზაკალაშვილი არიან. ნამუშევარში ბასის პარტიას ხატია ქორიძე ასრულებს, მიქსინგსა და მასტერინგზე პაპუნა ალიბეგაშვილმა იმუშავა, ხოლო ხმის დიზაინი ნიკალა ზუბიაშვილს ეკუთვნის. „ვღელავ” ლეიბლ Break Records-ზე გამოიცა. რაც შეეხება ვიზუალურ ნამუშევარს, კლიპის რეჟისორი ლაშა ჩაგელიშვილია.
ნინი ნუცუბიძე მუსიკოსი, სიმღერების ავტორი და პროდიუსერია, რომლის შემოქმედება რამდენიმე სხვადასხვა ჟანრს აერთიანებს, მათ შორის: Soul-ს, R&B-ს, Hip-Hop-ს, Experimental-სა და Glitch-ს.
2024 წელს ნინი ნუცუბიძე მსოფლიოში ერთ-ერთი ყველაზე გავლენიანი მუსიკალური დაჯილდოების, Billboard Women in Music-ის Global Force-ის ნომინანტთა სიაში მოხვდა.
2025 წლის ოქტომბერში კი არტისტს მუსიკოსი ქალი პროდიუსერის ჯილდო (Female Producer Prize) გადაეცა.
