11 დეკემბერს ჯგუფმა On the Road დათა წერეთელთან ერთად საინტერესო კოლაბორაციული ნამუშევარი გამოაქვეყნა, სახელწოდებით All Things Go.
ახალი კომპოზიცია DUO Records-ის სტუდიაში ჩაიწერა. სიმღერის მიქსინგზე ლაშა უგულავამ, ხოლო მასტერინგზე ალექს გორდონმა იმუშავა.
„ეს სინგლი ჩვენი და დათას კოლაბორაციაა. სიმღერა ერთად დავწერეთ, ხოლო მუსიკალური ფროდაქშენი სრულად დათამ განახორციელა. შემდეგ ჩაიწერა, მიქსინგზე კი ლაშა უგულავამ იმუშავა”. -აღნიშნავს ბენდის ვოკალისტი ლადო გიგაია.
სინგლს თან ვიზუალური ნამუშევარიც ახლავს, რომელიც საფრანგეთში მოღვაწე რეჟისორმა სანდრო ტოგონიძემ გადაიღო. მონტაჟი კი Vinda Folio-ს (თემო ეზუგბაიას) ეკუთვნის.
მოისმინეთ ახალი კოლაბორაციული ნამუშევარი:
On The Road – All Things Go ft. Data Tsereteli (Official Music Video)
