ცნობილი ვარსკვლავი ჯეიმს ვან დერ ბიკი 48 წლის ასაკში გარდაიცვალა. გავრცელებული ცნობის შემდეგ KESHA მსახიობთან გატარებულ დროს იხსენებს და ინსტაგრამ სთორიში მის ფოტოებს აზიარებს. ფოტოები ლას ვეგასში 2011 წლის მაისშია გადაღებული, მათი ერთობლივი ვიდეოკლიპის, Blow-ს პრემიერიდან სამი თვის შემდეგ.
KESHA-ს სინგლი Blow 2011 წელს Billboard Hot 100-ის საუკეთესო ათეულში მოხვდა და მე-7 ადგილი დაიკავა.
ვან დერ ბიკის ოჯახმა მსახიობის გარდაცვალების შესახებ ინფორმაცია 11 თებერვალს გაავრცელა, იგი ბოლო ორი წლის განმავლობაში მძიმე სენს, კიბოს ებრძოდა.
„ჩვენი საყვარელი ჯეიმს დევიდ ვან დერ ბიკი დღეს დილით მშვიდად გარდაიცვალა, ის სიცოცხლის ბოლო დღეებს მამაცურად, რწმენით და ღირსებით შეხვდა. ბევრი რამ გვაქვს სათქმელი მის სურვილებზე, კაცობრიობისადმი სიყვარულსა და დროის სიწმინდეზე, მოგვიანებით ამის დროც მოვა. ახლა კი გთხოვთ, დაიცვათ ჩვენი პირადი სივრცე, რათა ვიგლოვოთ საყვარელი მეუღლე, მამა, შვილი, ძმა და მეგობარი.” – წერია ოჯახის მიერ ინსტაგრამით გავრცელებულ პოსტში.
ვან დერ ბიკის ინსტაგრამ გვერდზე, კომენტარებში, მეგობრები და კოლეგები სამძიმარს გამოთქვამენ, მათ შორისაა *NSYNC-ის წევრი ლენს ბასი, რომელმაც დაწერა:
„თქვენს მშვენიერ ოჯახს უდიდეს სიყვარულს ვუგზავნით. მშვიდობიანი გზა, ჯეიმს. შენ ეს სამყარო უკეთეს ადგილად აქციე.“
„ჩემს ყველა ანგელოზს გიგზავნით, რათა დაეხმარონ მას შინ მიცილებაში… შენ და შენი მშვენიერი ოჯახი ჩემს გულში ხართ.“ – წერს რის უიზერსპუნი, ხოლო ჯენიფერ გარნერმა დაამატა: „რა გულსატკენია. დიდი სიყვარული შენ, კიმბერლი, და შენს შვილებს ამ მძიმე პერიოდში.“
ვან დერ ბიკს და მის მეუღლეს ექვსი შვილი ჰყავდათ: ოლივია, ჯოშუა, ანაბელი, ემილია, გვენი და ჯერემაია.
