ისტორიაში პირველად, საქართველომ ზამთრის ოლიმპიური თამაშების მედალი მოიპოვა. ლუკა ბერულავასა და ანასტასია მეტელკინას წყვილმა ფიგურულ ციგურაობაში მეორე საპრიზო ადგილი და ვერცხლის მედალი დაიმსახურა.
შეჯიბრის ფინალურ ეტაპზე სპორტსმენებმა მოკლე და თავისუფალი პროგრამები წარადგინეს. მოკლე პროგრამაში გიტარისტ მილოშ კარადაგლიჩის მიერ შესრულებულ „ბოლეროზე” დადგმულმა ნომერმა წყვილს 75.46 ქულა მოუტანა. თავისუფალი პროგრამა კი მოციგურავეებმა ფრანგული ფილმის Le meilleur reste à venir საუნდტრეკისა (კომპოზიტორი ჟერომ რობოტიე) და ჯონათან როის Keep Me Alive-ის ფონზე შეასრულეს. ორივე პროგრამის ჯამში წყვილმა 221.75 ქულა და ოლიმპიადის ვერცხლის მედალი დაიმსახურა.
ლუკა ბერულავა და ანასტასია მეტელკინა ევროპის მოქმედი ჩემპიონები არიან.
