20 თებერვალს დიზაინერი გიორგი ქებურია ლონდონის მოდის კვირეულზე ახალ კოლექციას წარადგენს. Keburia-ს ჩვენების მუსიკალური გაფორმება უკვე ცნობილია – შოუზე Quemmekh-ის მუსიკა გაჟღერდება.
Billboard Georgia-სთან Quemmekh-ის ფრონტმენმა, სანდრო ქერაულმა აღნიშნა, რომ 10-წუთიანი კომპოზიცია სპეციალურად ამ ჩვენებისთვის დაიწერა:
„ეს არის სრულიად ახალი მუსიკა, შექმნილი Keburia-ს კოლექციის ტემპისა და ხასიათის შესაბამისად. კომპოზიციაში გამოყენებულია ერთი ძველი ტრეკის ფრაგმენტი, როგორც შიდა კოდი მათთვის, ვინც Quemmekh-ს უსმენს. ამასთან, ამ შოუში პირველად ჟღერდება ინგლისურენოვანი ტექსტი Quemmekh-ისგან. კონცეფციის შესახებ მეტ დეტალს ჯერ ვერ გავამხელთ.”
Keburia ლონდონის მოდის კვირეულში უკვე მესამედ იღებს მონაწილეობას. 2025 წლის შემოდგომის სეზონზე დიზაინერმა ასევე ქართველ არტისტთან ითანამშრომლა – ჩვენებაზე Mamaflex-ის მუსიკა იყო გამოყენებული.
