როგორც ჩანს დადგა დრო, 50 Cent-მა საკუთარი ისტორიაც მოყვეს. Variety-სა და Deadline-ის ინფორმაციით, 50 Cent-ის შესახებ გადაღებული დოკუმენტური ფილმი Hulu-ზე სამ ნაწილად გამოვა.
დოკუმენტური ფილმი თაყვანისმცემლებს აჩვენებს 50-ის გზას – ქუინსში გატარებული ბავშვობიდან მსოფლიო რეპვარსკვლავობამდე და ბიზნეს-მაგნატობამდე. სერიალის მოკლე აღწერაში ნათქვამია, რომ რეპერის ისტორია გადმოცემილია „პირადი და ყოვლისმომცველი პრიზმიდან. სერიალი წარმოაჩენს ფიგურას, რომელმაც კონფლიქტები და სირთულეები გრძელვადიან კულტურულ გავლენად გარდაქმნა“.
პროექტს ამჟამად სათაური არ აქვს, თუმცა ცნობილია, რომ რეჟისორი მენდონ ლოვეტი იქნება. პროექტის აღმასრულებელი პროდიუსერები კი პატრიკ ალტემი და თავად 50 Cent-თან იქნებიან.
ამჟამად 50 Cent კვლავ რჩება ტელეარხ Starz-ის მასშტაბური სერიალის, Power-ის აღმასრულებელ პროდიუსერად. გარდა ამისა, ის მონაწილეობას მიიღებს Street Fighter-ის ახალ ვერსიაში. ცნობილია, რომ ფილმში ყველა ტრიუკს ის თავად ასრულებს.
რეპერი ასევე გვპირდება, რომ ფილმის საუნდტრეკზეც იმუშავებს და ამ საქმეში ემინემის ჩართვასაც გეგმავს.
„ემინემს დავიყოლიებ, რომ Street Fighter-ისთვის მუსიკა შექმნას,“ – დაწერა 50-მა დეკემბერში ფილმის პრომო პოსტერის ქვეშ. Street Fighter-ის პრემიერა აშშ-ის კინოთეატრებში 16 ოქტომბერს იგეგმება.
50 Cent-ს 2000-იან წლებში გარდამტეხი პერიოდი ჰქონდა და ათწლეულების შემდეგაც პოპკულტურის განუყოფელ ნაწილად რჩება. Billboard 200-ის სათავეში რეპეროს ორი ალბომი მოხვდა, ხოლო Billboard Hot 100-ის პირველი პოზიცია ჯამში მისმა ოთხმა ჰიტმა დაიკავა.
