მადონას ახალი სინგლი I Feel So Free ფანების კვირის რჩეული მუსიკა გახდა. „ბილბორდის” მიერ 18 აპრილს გამოქვეყნებულ გამოკითხვაში მსმენელმა ხმათა უმრავლესობით სწორედ პოპის დედოფლის უახლესი სიმღერა აირჩია. მადონამ ხმების 40% მიიღო.
ამავე კვირაში ასევე გამოვიდა ისეთი არტისტების სინგლები, როგორებიც არიან: ოლივია როდრიგო, ტაილა და ზარა ლარსონი, ლანა დელ რეი, sombr და სხვები.
I Feel So Free-ს დებიუტი პარასკევს iHeartRadio-ზე შედგა და სტრიმინგ პლატფორმებზე მას შემდეგ გამოვიდა, რაც მადონა, მოულოდნელად, საბრინა კარპენტერის კოაჩელას გამოსვლაზე გამოჩნდა. მუსიკოსებმა პოპვარსვლავის ორი ჰიტი – Vogue და Like a Prayer შეასრულეს.
ეს მადონას პირველი სინგლია მისი მომავალი Confessions II ალბომიდან, რომელიც 2005 წლის Confessions on a Dance Floor-ის გაგრძელებაა. ალბომის გამოსვლა Warner Records-ის ლეიბლზე 3 ივლისს იგეგმება.
მადონას შემდეგ გამოკითხვაში მეორე ადგილს იკავებს ოლივია როდრიგოს Drop Dead (31%). მას მოსდევს ტაილასა და ზარა ლარსონის She Did It Again (16%). ხუთეულში ასევე მოხვდნენ ლანა დელ რეის First Light და sombr-ის Potential.
ნახეთ გამოკითხვის შედეგები:
