ცნობილმა ჰიპ ჰოპ არტისტმა, მეგან პიტმა, ფსევდონიმით Megan Thee Stallion, წლევანდელ Webby Awards-ის ცერემონიაზე ჯილდო წლის საუკეთესო არტისტის ნომინაციაში მიიღო. მანამდე რეპერმა კულისებში თავის მომავალ სტუდიურ ალბომზე ისაუბრა.
Last night, Webby Artist of the Year @theestallion told our Manager, Editorial Strategy @jordanajarrett that she's about 95% done with her new album. "I wanna tease that for the hotties, I haven't even told them nothing about my album." You heard it here first! 😳❤️🔥 pic.twitter.com/bsFwkVa5GF
— The Webby Awards (@TheWebbyAwards) May 17, 2022
წინა დღეს მეგანი ჟურნალ “ბილბორდის” მუსიკალური დაჯილდოების სცენაზე გამოვიდა, სადაც კომპოზიციები Plan B და Sweetest Pie შეასრულა. ამასთან, ღონისძიებაზე მას ჯილდო საუკეთესო ქალი რეპერის ნომინაციაში გადაეცა.
აღსანიშნავია, რომ დღემდე ბილბორდის ცხელ ასეულში ჰიპ ჰოპ არტისტის 25 კომპოზიციაა მოხვედრილი. მათ შორის პირველ ადგილზე Savage და WAP გავიდა.
მეგანმა მუსიკალური კარიერა 2013 წელს დაიწყო და მსმენელს რამდენიმე სინგლი მალევე შესთავაზა. რეპერი ფართო საზოგადოებამ 2019 წლის მიქსტეიპით Fever გაიცნო. 2020 წლის მარტში მან გაყიდვაში კიდევ ერთი ჩანაწერი სახელწოდებით SUGA ჩაუშვა. სტუდიური ნამუშევრის სინგლმა Savage ბილბორდის ცხელ ასეულში პირველი პოზიცია დაიკავა. იმავე წლის მიწურულს სამხრეთელი რეპერის სადებიუტო ალბომი Good News გამოიცა. მეგანს სამი გრემის ჯილდო აქვს მიღებული, მათ შორის საუკეთესო ახალბედა არტისტის კატეგორიაში. ის მეორე რეპერია ლორინ ჰილის შემდეგ, რომელმაც ეს ნომინაცია მოიგო.
