შოუნ მენდესმა კამილა კაბეიოსთან დაშორებას სიმღერა მიუძღვნა

ფოტო: John Shearer/Getty Images

ცნობილმა კანადელმა მომღერალმა, შოუნ მენდესმა სოციალურ ქსელ ინსტაგრამზე ახალი კომპოზიციის When You’re Gone შესახებ ისაუბრა, რომელიც კუბელ მუსიკოს კამილა კაბეიოსთან მტკივნეულ დაშორებას მიუძღვნა. ისინი ერთმანეთს ორი წლის განმავლობაში ხვდებოდნენ.

“ბევრი რამაა ტექსტში მნიშვნელოვანი. მაგალითად ის, რომ, როდესაც ვიღაცას შორდები, იმ მომენტში ეს სწორი ნაბიჯი გგონია. ვერ იაზრებ სირთულეებს, რაც ამ გადაწყვეტილებას მოსდევს. ვის უნდა დაურეკო, როდესაც პანიკური შეტევა გაქვს? ვის უნდა დაურეკო, როდესაც ძალიან ცუდად გრძნობ თავს? ეს იყო  რეალობა, რომელიც ელდასავით მეცა – “ახლა ჩემს თავს მე უნდა მივხედო-მეთქი”. გავიაზრე, რომ მარტო უნდა გავუმკლავდე ყველაფერს. მძულს ის, რომ ესაა ჩემი რეალობა”, – აღნიშნა 23 წლის არტისტმა.

მუსიკოსმა სიმღერიდან When You’re Gone მონაკვეთიც შეასრულა. ცნობილია, რომ კომპოზიცია 31 მარტს გავრცელდება.

“ჩემთვის რთულია შენი გაშვება, ამიტომ ვცდილობ, ხელი მაგრად ჩაგკიდო. არ მინდა ვიცოდე, რას ვიგრძნობ, როდესაც წახვალ”, – მღერის მენდესი.
View this post on Instagram

 

A post shared by Shawn Mendes (@shawnmendes)

შონ მენდესმა და კამილა კაბეიომ ერთმანეთი 2014 წელს გაიცნეს. მედიაში მათ ურთიერთობაზე საუბარი საერთო ჰიტის Señorita გამოშვების შემდეგ დაიწყო. კომპოზიციამ არტისტებს გრემის ნომინაცია მოუტანა. მათ კიდევ ერთი კოლაბორაციული სიმღერა I Know What You Did Last Summer აქვთ ჩაწერილი. მუსიკოსები 2021 წლის ნოემბერში დაშორდნენ.

Share
Tweet
Share
Share
Share

წინა სტატია

ჯენიფერ ლოპესი: ჩემთვის ყველაფერი ახლა იწყება

შემდეგი სტატია

ნახეთ: Young Thug და Gunna “ბილბორდის” ფოტოსესიაში

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი