ლოს ანჯელესში ყოველწლიური ღონისძიება iHeartRadio Awards ჩატარდა, რომელზეც პრესტიჟული ჯილდო Icon Award ამერიკელ პოპვარსკვლავს, ჯენიფერ ლოპესს გადაეცა. 52 წლის მომღერალი სცენაზე ზეთისხილისფერ სამოსში გამოწყობილი გამოჩნდა, რომელმაც მაყურებელს მისი ცნობილი “ვერსაჩეს” კაბა გაახსენა 2000 წლის გრემის დაჯილდოებიდან.
“ახლა გეტყოდით, რომ დაჯილდოებები ჩემთვის ძალიან ბევრს ნიშნავს, მაგრამ ეს ასე არაა. თუმცა, არ იფიქროთ, რომ არ მომწონს ეს მბზინავი და მბრწყინავი ფიგურები. მეგობრებო, მე ყველაფერს არა ამისთვის, არამედ თქვენთვის ვაკეთებ. იმიტომ, რომ დიდ სიყვარულს, დაფასებასა და სიკეთეს ვგრძნობ თქვენგან, ჩემთვის ისაა მნიშვნელოვანი, რომ თქვენს ცხოვრებაში შემომიშვით, თუნდაც მცირედით. ეს ჯილდო თქვენი დამსახურებაა, თქვენ ამიხდინეთ ოცნებები. მადლობა, რომ ჩემში ეჭვი არ გეპარებოდათ მაშინ, როდესაც თავად არ მჯეროდა საკუთარი თავის. მადლობა, რომ მასწავლეთ, ვინ ვარ სინამდვილეში. შემიძლია, ყველაფერი უარყოფითი გადავლახო და ეს თქვენც შეგიძლიათ. მოდით, ერთ რამეს გეტყვით – მე ჯერ კიდევ ახლა ვიწყებ”, – მიმართა ჯეილომ ღონისძიებაზე დამსწრეებს, რომლებმაც ოვაციები არ დაიშურეს.
აღსანიშნავია, რომ ღონისძიებას მისი შეყვარებული, მსახიობი ბენ აფლეკიც ესწრებოდა, რომელიც სხვებთან ერთად მუსიკოსის სამადლობელ სიტყვას ფეხზე წამოუდგა.
You know #BenAffleck had to show up and support @JLo 😉❤️👏 #iHeartAwards2022 pic.twitter.com/T1socRzdxf
— iHeartRadio (@iHeartRadio) March 23, 2022
ჯეილომ დაჯილდოების ცერემონიაზე მაყურებლებს თავისი სიმღერებიდან Jenny From the Block, On My Way და Get Right ნაწყვეტებიც შეუსრულა.
