ცნობილმა ამერიკელმა მომღერალმა, სამი გრემის მფლობელმა კელი კლარკსონმა საავტორო გადაცემის The Kelly Clarkson Show მუსიკალურ ნაწილში Kellyoke ქანთრი შემსრულებლის, კეისი მასგრეივსის 2018 წლის ალბომში Golden Hour შესული კომპოზიცია High Horse დააქავერა. ეს არ არის პირველი შემთხვევა, როცა კელი კეისის ჩანაწერს ასრულებს. მიმდინარე წლის თებერვალში მან დამსწრე აუდიტორიას სიმღერა Breadwinner შესთავაზა.
აღსანიშნავია, რომ ბოლოს კელი კლარკსონმა Kellyoke-ში ბილი აილიშისა და ქალიდის ჰიტი Lovely და Black Eyed Peas-ის I Gotta Feeling იმღერა.
• ნახეთ: კელი კლარკსონმა ბილი აილიშისა და ქალიდის ჰიტი Lovely შეასრულა
Golden Hour მასგრეივსისთვის წარმატების მომტანი აღმოჩნდა. ნამუშევარმა 2019 წელს გრემის ჯილდო საუკეთესო ალბომის ნომინაციაში დაიმსახურა, Billboard 200-ში კი მას მეოთხე ადგილი ერგო. ჩანაწერმა ამ ჩარტში სულ 94 კვირა გაატარა.
კელი კლარკსონმა პოპულარობა 2002 წელს შოუში American Idol გამარჯვებით მოიპოვა. ამავე წელს გამოსული მისი კომპოზიცია A Moment Like This ბილბორდის ცხელი ასეულის სათავეში მოექცა და წლის ყველაზე გაყიდვადი სინგლის სტატუსი დაიმსახურა. გრემის სამი ჯილდოს მფლობელ არტისტს კარიერის განმავლობაში 25 მილიონზე მეტი ალბომი აქვს გაყიდული. მუსიკოსს განსაკუთრებული წარმატება სიმღერებმა: Because Of You, Stronger, Since U Been Gone და Breakaway მოუტანა.
