ცნობილი კანადელი მომღერალი, შოუნ მენდესი, 2021 წლის დეკემბერში გამოშვებული სიმღერის It’ll Be Okay შემდეგ, პირველ კომპოზიციას When You’re Gone და მასზე შექმნილ ვიდეორგოლს ავრცელებს. კლიპზე რეჟისორმა ჯეი მარტინმა იმუშავა, რომელმაც წარსულში მენდესის სხვა მუსიკალური ვიდეოები: It’ll Be Okay, Mercy და Stitches გადაიღო.
• ნახეთ: შოუნ მენდესი Billboard-ის ფოტოსესიაში
ახალი სიმღერის ავტორები თავად შოუნის გარდა ჯონა შაი და სკოტ ჰარისი არიან. კომპოზიციის ცოცხლად მოსმენის შესაძლებლობა არტისტის თაყვანისმცემლებს 27 ივნისიდან ტურნეს Wonder: The World Tour ფარგლებში გამართულ კონცერტებზე ექნებათ.
