სელენaა გომესი: 4 წელზე მეტია, ინტერნეტით არ მისარგებლია

ფოტო: Kurt Krieger/Corbis/GI

მომღერალი და მსახიობი, სელენა გომესი, რომელსაც სოციალურ ქსელ ინსტაგრამზე 310 მილიონზე მეტი გამომწერი ჰყავს, ინტერნეტით 4 წელზე მეტია, აღარ სარგებლობს. ამის შესახებ 29 წლის არტისტმა გადაცემაში Good Morning America ისაუბრა, რომელსაც მენტალური ჯანმრთელობის საკითხებზე მომუშავე ვებგვერდის Wondermind გაშვებასთან დაკავშირებით სტუმრობდა.

“ინტერნეტში 4 წელი და 6 თვეა, არ შევსულვარ, რამაც ჩემი ცხოვრება სრულიად შეცვალა”, – აღნიშნა სელენამ. მომღერლის თქმით, ანგარიშებს მისი მეთვალყურეობით სხვები მართავენ. “უფრო ბედნიერი ვარ, მეტ ხალხთან ვახერხებ კომუნიკაციას. ეს ნაბიჯი თავს ნორმალურად მაგრძნობინებს”, – დაამატა მუსიკოსმა.

გომესს საკუთარ ბიპოლარულ აშლილობასა და შფოთთან დაკავშირებით საჯაროდ არაერთხელ უსაუბრია, რაც, მისი თქმით, მუდმივად ყურადღების ცენტრში ყოფნამ გაამწვავა. 

“არ მჯერა, რომ ამ მენტალურ მდგომარეობას მივაღწიე საჭირო ნაბიჯების გადადგმით და ცხოვრების სტილის შეცვლით. იმიტომ, რომ არ იყო ის ნორმალური”, – განაცხადა გომესმა. 

მუსიკოსს ივლისში 30 წელი უსრულდება. ამასთან დაკავშირებით სელენამ აღნიშნა: “აღფრთოვანებული ვარ ცხოვრების ახალ ეტაპზე შებიჯებით – მარტო, დამოუკიდებლად, ძლიერად და თავდაჯერებით”.

მსახიობმა და მომღერალმა, სელენა გომესმა მუსიკალური კარიერა 2002 წელს დაიწყო. სოლო მოღვაწეობის ფარგლებში მას სამი ალბომი Stars Dance, Revival და Rare აქვს გამოშვებული. თითოეული მათგანი Billboard 200-ის ჩარტში პირველ პოზიციაზე გავიდა. არტისტს ამ დრომდე, მსოფლიო მასშტაბით, 7 მილიონი ალბომი და 22 მილიონი სინგლი აქვს გაყიდული. აღსანიშნავია, რომ 2008-12 წლებში სელენა აგრეთვე ბენდში Selena Gomez & the Scene მღეროდა.

Share
Tweet
Share
Share
Share

წინა სტატია

The Weeknd-ის ჰიტებმა Blinding Lights და Starboy ბრილიანტის სტატუსი დაიმსახურეს

შემდეგი სტატია

ნახეთ: კელი კლარკსონმა Backstreet Boys-ის სიმღერა შეასრულა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი