Lizzo ახალ კომპოზიციას About Damn Time აანონსებს

ფოტო: Theo Wargo/Getty Images

ამერიკელი მუსიკოსი მელისა ჯეფერსონი, ფსევდონიმით Lizzo, ახალ კომპოზიციას About Damn Time აანონსებს. ეს პირველი ნამუშევარი იქნება 2021 წლის აგვისტოში რეპერ ქარდი ბისთან ერთად გამოშვებული ტრეკის Rumors შემდეგ.

“ზაფხულის ჰიტი 14 აპრილს გავრცელდება. ეს მხოლოდ დროის საკითხია”, – წერს მუსიკოსი ინსტაგრამზე და ვიდეოსთან ერთად ახალი სიმღერის ნაწყვეტს აქვეყნებს.

აღსანიშნავია, რომ ლიზომ ახლახან ბრენდი Yitty შექმნა, რომელიც სხეულის სილუეტის გამომკვეთ ქალის თეთრეულს აწარმოებს. “აბსოლუტურად ყველა ზომის სხეულისთვის”, – წერდა მომღერალი ინსტაგრამზე.

3 გრემის მფლობელმა ლიზომ მუსიკალური მოღვაწეობა 2010 წელს დაიწყო. დღეისთვის მის დისკოგრაფიაში 3 ალბომი, ორი EP და კოლაბორაციული ჩანაწერი ერთიანდება. შემსრულებლის ბოლო სტუდიური ნამუშევარი Cuz I Love You ჩარტ Billboard 200-ის ტოპ ხუთეულში მოხვდა. არტისტი ინდი ჰიპ ჰოპ ჯგუფების: The Chalice, Grrrl Prty, The Clerb, Ellypseas და Absynthe ერთ-ერთი დამაარსებელია.

Share
Tweet
Share
Share
Share

წინა სტატია

ნახეთ: ჯონ ლენონის ჰიტი Imagine მისმა შვილმა, ჯულიანმა პირველად შეასრულა

შემდეგი სტატია

Post Malone-ის ახალი ალბომი, სავარაუდოდ, მაისში გამოვა

შეიძლება დაგაინტერესოთ

SZA

SZA-ს ახალი სინგლი Saturn

სიმღერის დებიუტი Mastercard-ის რეკლამაში შედგა, რომელიც 2024 წლის გრემის დაჯილდოებაზე გავიდა. მუსიკოსმა დაჯილდოებაზე სამი ჯილდო მიიღო.
მეტი