Gangnam Style-ის ავტორი Psy აპრილის ბოლოს ახალი ალბომით დაბრუნდება

ფოტო: Frazer Harrison/GIi

სამხრეთკორეელი შემსრულებელი Psy, რომელიც მსოფლიომ 2012 წელს ჰიტით Gangnam Style გაიცნო, ხუთწლიანი პაუზის შემდეგ, 29 აპრილს ახალი, რიგით მეცხრე ალბომით “Psy 9th” დაბრუნდება.

44 წლის კეიპოპ მუსიკოსმა ახალი ნამუშევარი ინსტაგრამზე დააანონსა და იმედი გამოთქვა, რომ მისი 2022 წლის სიმღერებიც მსგავს წარმატებას მიაღწევს.

“ვიცი, რომ ჩემი მომავალი ჰიტის მიმართ დიდი მოლოდინია. რომ არ დაგიმალოთ, 2002 წელს შევქმენი სიმღერა Champion და ზუსტად 10 წელი დამჭირდა, დამეწერა მასზე წარმატებული Gangnam Style. იმედი მაქვს, რომ 2022 წელს სწორედ ამ უკანასკნელის მსგავს კომპოზიციას მოისმენთ”, – მიმართავს ფსაი აუდიტორიას ერთ-ერთ კონცერტზე.

კეიპოპ შემსრულებლის ბოლო სტუდიური ალბომი “4X2=8” 2017 წელს ლეიბლზე YG Entertainment გამოიცა. მოგვიანებით მან თავისი ხმისჩამწერი სტუდია P Nation შექმნა, რომელშიც სხვადასხვა არტისტი, მათ შორის კორეელ-ამერიკელი რეპერი Jessi, მომღერალი HyunA და სხვები გააწევრიანა.

პაკ ჩესანმა შემოქმედებითი მოღვაწეობა 2001 წელს დაიწყო. მან მსოფლიო პოპულარობას ჰიტით Gangnam Style მიაღწია, რომელმაც ბილბორდის ცხელ ასეულში მეორე პოზიცია დაიკავა. ამასთან, მასზე გადაღებული კლიპი პირველი ვიდეო გახდა იუთუბზე, რომლის ნახვებმაც მილიარდს გადააჭარბა. წარმატება ხვდა წილად მუსიკოსის კიდევ ერთ სინგლს Gentleman, რომელიც Billboard Hot 100-ში მეხუთე ადგილზე გავიდა. შემსრულებელს დღემდე 8 სტუდიური ალბომი აქვს გამოშვებული.

Share
Tweet
Share
Share
Share

წინა სტატია

Anitta სამენოვან ალბომს Versions of Me ავრცელებს

შემდეგი სტატია

ფიბი ბრიჯერსის ახალი სიმღერა სერიალში Conversations With Friends გაჟღერდება

შეიძლება დაგაინტერესოთ

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი