ბრუნო მარსის კლიპმა That’s What I Like იუთუბზე 2 მილიარდი ნახვა დააგროვა

ფოტო: Bruno Mars/That’s What I Like

ცნობილი ამერიკელი მომღერლის, ბრუნო მარსის უკვე მესამე ვიდეორგოლმა, 2019 წლის ნამუშევარმა That’s What I Like იუთუბზე ორ მილიარდზე მეტი ნახვა დააგროვა. წარსულში მსგავს წარმატებას მისმა კლიპებმა The Lazy Song და Uptown Funk მიაღწიეს.

ჩანაწერის That’s What I Like ვიდეოში, რომელიც უწყვეტი კადრითაა გადაღებული, მუსიკოსი გაუჩერებლად ცეკვავს, ფონზე კი განათებები იცვლება. აღსანიშნავია, რომ კომპოზიცია მარსის მერვე ტრეკია, რომელიც ბილბორდის ცხელი ასეულის სათავეში მოექცა. ამასთან, ნამუშევარმა 2018 წლის გრემიზე წლის საუკეთესო სიმღერის, საუკეთესო არენბი კომპოზიციისა და საუკეთესო არენბი შესრულების ნომინაციებში გაიმარჯვა.

ჰავაის ქალაქ ჰონოლულუში დაბადებული პიტერ ჰერნანდესი მუსიკალური კარიერის ასაწყობად 2003 წელს ლოს ანჯელესში გადავიდა საცხოვრებლად. სადებიუტო ალბომი Doo-Wops & Hooligans, რომელშიც წარმატებული სინგლები: Just the Way You Are, Grenade და The Lazy Song არის თავმოყრილი, მან 2010 წელს გამოუშვა. მორიგმა სტუდიურმა ჩანაწერმა Unorthodox Jukebox კი შემსრულებელს Billboard 200-ის ჩარტში პირველი ადგილი მოუტანა. არტისტის მესამე ალბომმა 24K Magic გრემის დაჯილდოებაზე შვიდ ნომინაციაში გაიმარჯვა, მათ შორის ძირითად კატეგორიებში. მომღერალს ჯამში 15 გრემი აქვს მოპოვებული. მარსს მსოფლიოში 130 მილიონი ჩანაწერი აქვს გაყიდული.

Share
Tweet
Share
Share
Share

წინა სტატია

David Guetta-ს კლიპის Bad ნახვებმა იუთუბზე მილიარდს გადააჭარბა

შემდეგი სტატია

რეპერ Pooh Shiesty-ს 5 წლით პატიმრობა შეეფარდა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი