მეგან ფოქსმა განმარტა, რატომ სვამენ ის და MGK ერთმანეთის სისხლს

ფოტო: Kevin Mazur/Getty Images

ჟურნალთან Glamour UK ინტერვიუში ცნობილმა მსახიობმა, მეგან ფოქსმა განმარტა, რას გულისხმობდნენ ის და მისი საქმრო, მუსიკოსი Machine Gun Kelly, როდესაც განაცხადეს, რომ ერთმანეთის სისხლს სვამდნენ.

• მოუსმინეთ: Machine Gun Kelly პოპ პანკ ალბომს Mainstream Sellout ავრცელებს

“შეიძლება, ამ ნათქვამმა ხალხი შეცდომაში შეიყვანა – წარმოიდგინეს, როგორ ვაგემოვნებთ სისხლს ბოკალით. დიახ, ჩვენ რამდენიმე წვეთს ვსვამთ მხოლოდ რიტუალური მიზნებით”, – აღნიშნა მეგანმა.

ფოქსმა აგრეთვე ისაუბრა, როგორ განსხვავდებიან ის და ქელი რიტუალების შესრულებისას:

“მე შემიძლია საკუთარი თავის კონტროლი. ვკითხულობ ტაროს, მიზიდავს ასტროლოგია და მედიტაცია. რიტუალებს ახალი ან სავსე მთვარისას ვატარებ. ამას როცა ვაკეთებ, ყოველთვის მაქვს მიზეზი. თუმცა, ყველაფერი კონტროლს ექვემდებარება: რამდენიმე წვეთი სისხლი და მორჩა. რაც შეეხება ქელის, ის სპონტანური, აღგზნებული და ქაოტური ხდება. მზადაა, გატეხილი მინით მკერდი გადაისეროს და მითხრას, წაიღე ჩემი სულიო”.
აღსანიშნავია, რომ ახლახან მეშინ გან ქელიმ, რომელმაც ბოლო ორი ალბომი პოპ პანკის ჟანრში ჩაწერა, განაცხადა, რომ ჰიპ ჰოპში დაბრუნებას აპირებს.
“დავბრუნდები იქ, სადაც გავჩერდი და განვავითარებ ჩემი, როგორც რეპერის, თხრობის უნარს, ვიპოვი ინოვაციურ ჟღერადობას”, – აღნიშნა მუსიკოსმა. ცნობისთვის, მისი ბოლო პოპ პანკ ალბომი Mainstream Sellout ჩარტში Billboard 200 პირველ პოზიციაზე გავიდა.

კოლსონ ბეიკერი, ფსევდონიმით Machine Gun Kelly, შტატ ოჰაიოს ქალაქ კლივლენდში მცხოვრები რეპერი, მომღერალი და მსახიობია. არტისტი ფართო საზოგადოებამ 2010 წელს გაიცნო, როდესაც საკუთარი სახსრებით მიქსტეიპი Lace Up გამოუშვა. ორი წლის შემდეგ გაყიდვაში ამავე სახელწოდების ალბომი ჩაეშვა, რომელმაც Billboard 200-ის ჩარტში მეოთხე ადგილი დაიმსახურა. ქელის მოღვაწეობის განმავლობაში 6 სტუდიური ალბომი აქვს გამოცემული. პირველი ოთხი ჰიპ ჰოპ ნამუშევარია, ორი Tickets to My Downfall და Mainstream Sellout კი პოპ პანკი, რომლებზეც დრამერ ტრევის ბარკერთან ერთად იმუშავა.

Share
Tweet
Share
Share
Share

წინა სტატია

მსახიობი კეიტ ჰადსონი მუსიკალურ ალბომზე მუშაობს

შემდეგი სტატია

მედელინში Maluma-ს ცვილის ფიგურა შექმნეს

შეიძლება დაგაინტერესოთ

DU-BESH – ერეკლე დეისაძემ ახალი მუსიკალური ვიდეო წარადგინა

„არ მინდა, ვიდეოს შინაარსსა და კონცეფციაზე საუბრისას კონკრეტული ვიყო. ამას მაყურებელს და მსმენელს მივანდობ - ნებისმიერ ინტერპრეტაციას მივესალმები.”
მეტი

მოსამართლის გადაწყვეტილებით, Diddy-ს წინააღმდეგ ჯგუფური გაუპატიურების საქმე ანონიმური არ იქნება

მოსამართლის განმარტებით, ქალმა ფაქტების დამტკიცება ანონიმურობის პირობებში ვერ შეძლო.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი

13 წლის შემდეგ პირველად კანიე უესტის ტრეკი მუსიკალური ჩარტების პირველ ადგილზეა

რეპერი ბოლოს პირველ ადგილზე 2007 წელს მოხვდა, როდესაც კეტი პერისთან ერთად ჩაწერილი სიმღერა, ET გამოიცა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი