მოუსმინეთ: ლედი გაგა ფილმის Top Gun: Maverick საუნდტრეკს ავრცელებს

ფოტო: Djeneba Aduayom/Billboard

პოპვარსკვლავი ლედი გაგა ფილმისთვის Top Gun: Maverick შექმნილ კომპოზიციას Hold My Hand ავრცელებს. კინონამუშევარი გაგრძელებაა 1980-იან წლებში გამოსული სურათის Top Gun, რომელშიც ცნობილი მსახიობი, ტომ კრუზი მონაწილეობს.

ახალი სინგლი გაგამ და ბლუდპოპმა დაწერეს, პროდაქშენზე კი ბენჯამინ რაისმა იმუშავა. აღსანიშნავია, რომ ბოლოს მომღერალმა  ფილმისთვის მუსიკა 2018 წელს შექმნა. ტრეკმა A Star is Born ოსკარი, ოქროს გლობუსი, ოთხი გრემი და ბაფტა დაიმსახურა.

“მსურდა, შემექმნა მუსიკა, რომელშიც ორი ადამიანის მიერ ერთმანეთის ურთიერთგაგების ღრმა საჭიროებაზეა საუბარი – სურვილზე, რომ ვიყოთ ახლოს, როდესაც შინაგანად შორს ვგრძნობთ თავს. მადლიერი ვარ ტომის, ჰანსისა და ჯოს, რომ მომეცა მათთან მუშაობის შესაძლებლობა. მე, ბენ რაისი, ბლუდპოპი და ყველა, ვინც კომპოზიციაზე იმუშავა, სიხარულით გიზიარებთ ამ ჩანაწერს”, – აღნიშნა გაგამ.

ფილმის Top Gun: Maverick დახურული ჩვენება გასულ კვირას ლას ვეგასში, კინოთეატრში CinemaCon შედგა. სტუდია Paramount Pictures სურათს კინოგაქირავებაში 26 მაისს ჩაუშვებს.

13 გრემის მფლობელმა სტეფანი ჯერმანოტამ, სასცენო სახელით Lady Gaga, კარიერა 2001 წელს დაიწყო. არაერთი ჰიტის ავტორს განსაკუთრებული წარმატება სინგლმა Bad Romance მოუტანა. მისი ხუთი სტუდიური ალბომი გამოსვლისთანავე Billboard 200-ის ჩარტის სათავეში მოექცა. 2016 წელს მომღერალს ამერიკულ სერიალში American Horror Story: Hotel შესრულებული როლისთვის ოქროს გლობუსი გადაეცა. 2019 წელს კი ამერიკული მუსიკალური დრამის A Star Is Born საუნდტრეკმა Shallow გაგას ოსკარისა და ოქროს გლობუსის ჯილდოები მოუტანა.

Share
Tweet
Share
Share
Share

წინა სტატია

ბილი აილიშს ჰკითხეს, ჯგუფ Paramore-ის რომელი სიმღერაა მისი რჩეული

შემდეგი სტატია

ნახეთ: ნიკი მინაჟი Met Gala-ზე

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი