გრემის ნომინანტი რეპერი, ჯეკ ჰარლოუ სადებიუტო ალბომის Come Home the Kids Miss You ტრეკლისტს აქვეყნებს. სტუდიური ნამუშევარი გაყიდვაში პარასკევს, 6 მაისს ჩაეშვება. სტუდიურ ჩანაწერში ცნობილი მუსიკოსები: ფარელ უილიამსი, დრეიქი, ლილ უეინი და ჯასტინ ტიმბერლეიკი მონაწილეობენ.
• ნახეთ: ჯეკ ჰარლოუ Kids’ Choice Awards-ზე პერფორმანსით წარდგა
ამასთან, 15-ტრეკიან ალბომში გვხვდება კომპოზიცია სახელწოდებით Dua Lipa, რომელშიც ჰარლოუ რეპავს:
ჰიპ ჰოპ არტისტმა ჩანაწერის ორი სინგლი Nail Tech და First Class უკვე გამოაქვეყნა. უკანასკნელი მათგანი ბილბორდის ცხელი ასეულის სათავეში მოხვდა. აქამდე ხსენებული ჩარტის პირველ ადგილზე ის მხოლოდ სხვა შემსრულებლის, ლილ ნას იქსის ტრეკის საშუალებით იყო გასული.
ჯეკმა რეჩიტატივის კითხვა 12 წლის ასაკში დაიწყო. მისი პირველი მიქსტეიპი 2011 წელს გამოიცა. მას შემდეგ კენტუკელმა მუსიკოსმა რამდენიმე სტუდიური ნამუშევარი გამოაქვეყნა, თუმცა, ფართო საზოგადოების ყურადღება მან 2020 წლის კომპოზიციით Whats Poppin დაიმსახურა. ექვსმაგი პლატინის სტატუსის მფლობელი ტრეკის რემიქსი ჰარლოუს არაერთმა პოპულარულმა კოლეგამ ჩაწერა. 2020 წლის დეკემბერში რეპერმა გაყიდვაში სადებიუტო ალბომი That’s What They All Say ჩაუშვა, რომელიც Billboard 200-ში მეორე პოზიციაზე გავიდა. ასევე, აღსანიშნავია 2021 წელს ლილ ნას იქსთან კოლაბორაციით შექმნილი სიმღერა Industry Baby, რომელიც ბილბორდის ცხელი ასეულის სათავეში მოხვდა.
