Adele: ასეთი ბედნიერი არასდროს ვყოფილვარ

ფოტო: Mike Marsland/WireImage

ბრიტანელ პოპვარსკვლავ ადელს 34 წელი შეუსრულდა, რასაც თავად მუსიკოსმა სოციალურ ქსელ ტვიტერზე პოსტი მიუძღვნა.

“რა ცვლილებების მოხდენა შეუძლია ერთ წელიწადს. თუ დრო ჩემი ცხოვრების ნაოჭების მოშუშებასა და გაგლუვებას განაგრძობს, მაშინ ერთი სული მაქვს, როდის გავხდები 60-ის. ასეთი ბედნიერი არასდროს ვყოფილვარ. მადლობა ამდენი ცხოვრებისეული გაკვეთილისთვის. 34 წლის ვარ, რაც ძალიან მომწონს. მადლობა”, – დაწერა მუსიკოსმა ტვიტერზე და პოსტს თავისი ფოტოსურათებიც დაურთო.

აღსანიშნავია, რომ 2021 წლის მარტში ადელმა ქმართან, საიმონ კონეცკისთან განქორწინების პროცესი დაასრულა. მისგან შემსრულებელს ვაჟი, ენჯელო ჰყავს. ამავე წლის ოქტომბერში არტისტმა ახალი სინგლი Easy On Me, ნოემბერში კი სტუდიური ალბომი 30 გამოუშვა. ორივე ნამუშევარმა ბრიტანულ თუ ამერიკულ ჩარტებში პირველობა არავის დაუთმო.

ადელმა შემოქმედებითი მოღვაწეობა 2006 წელს დაიწყო. 2013 წელს ფილმისთვის Skyfall დაწერილი კომპოზიციისთვის მას ოსკარისა და ოქროს გლობუსი ჯილდოები გადაეცა. 15 გრემის მფლობელ მუსიკოსს კარიერის განმავლობაში 120 მილიონზე მეტი ჩანაწერი აქვს გაყიდული. არტისტს სულ ოთხი ალბომი აქვს გამოცემული, მათ შორის სამმა “21”, “25” და “30” ბილბორდის ჩარტში ლიდერობა არავის დაუთმო. 2012 და 2016 წელს ჟურნალმა Time ის ყველაზე გავლენიან ადამიანებს შორის დაასახელა. პოპვარსკვლავს განსაკუთრებული წარმატება სიმღერებმა Rolling in the Deep, Someone Like You და Hello მოუტანა, სამივე კომპოზიციაზე გადაღებულმა კლიპებმა იუთუბზე 2 მილიარდზე მეტი ნახვა დააგროვეს.

Share
Tweet
Share
Share
Share

წინა სტატია

მოუსმინეთ: ბედ ბანიმ ალბომი Un Verano Sin Ti გამოუშვა

შემდეგი სტატია

ლილ უეინი: Missy Elliot ჩემი ფავორიტი რეპერია

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი