ნახეთ: ქენდრიქ ლამარი კლიპს “N95” ავრცელებს

ფოტო: Austin Hargrave/Billboard

გავლენიანმა ჰიპ ჰოპ არტისტმა, ქენდრიქ ლამარმა ახალ ალბომში Mr. Morale & the Big Steppers შესულ სინგლზე “N95” გადაღებული ვიდეორგოლი გაავრცელა. ეს მეხუთე სტუდიურ ჩანაწერში შესულ კომპოზიციებზე შექმნილი რიგით მეორე კლიპია. მასზე თავად რეპერმა და რეჟისორმა, დეივ ფრიმ იმუშავეს.

მოუსმინეთ: ქენდრიქ ლამარის ახალი ალბომი Mr. Morale & the Big Steppers

ალბომის გამოქვეყნებამდე ლამარმა ჩანაწერის ერთ-ერთი სინგლი The Heart Part 5 ვიდეორგოლთან ერთად გაავრცელა. კლიპში მუსიკოსი ე.წ. დიფფეიქ ტექნოლოგიის საშუალებით ქანიე ვესთის, ნიფსი ჰასლის, კობი ბრაიანტის, უილ სმიტის, ჯესი სმოლეთისა და ოჯეი სიმფსონის სახეებს ირგებს.

ახალ ალბომში Mr. Morale & The Big Steppers მოწვეული არტისტის რანგში გვხვდებიან: Ghostface Killah, Blxst, კოდაკ ბლექი და სამერ უოკერი.

ქენდრიქ ლამარმა შემოქმედებითი მოღვაწეობა 2003 წელს დაიწყო. ფართო საზოგადოებამ ის 2012 წლის ალბომით Good Kid, M.A.A.D City გაიცნო. სამმაგი პლატინის სტატუსის მქონე ნამუშევრის გავრცელების შემდეგ მუსიკოსს თავისი თაობის ერთ-ერთი ყველაზე გავლენიანი რეპერი და ყველა დროის ერთ-ერთი საუკეთესო ჰიპ ჰოპ არტისტი უწოდეს. შემსრულებლის მესამე ალბომმა To Pimp a Butterfly ჩარტში Billboard 200 პირველი ადგილი დაიმსახურა, ხოლო 2017 წელს გავრცელებულმა ჩანაწერმა DAMN. პულიცერის პრემია მიიღო. ცნობილია, რომ 14 გრემის მფლობელი ქენდრიქის ალბომი Mr. Morale & The Big Steppers ბოლო ნამუშევარია, რომელიც ლეიბლზე TopDawg Entertainment გამოიცა. არტისტი ასევე სუპერჯგუფის Black Hippy წევრია Ab-Soul-თან, Jay Rock-თან და Schoolboy Q-სთან ერთად.

Share
Tweet
Share
Share
Share

წინა სტატია

ნახეთ: ფოსთ მელოუნმა SNL-ში ორი კომპოზიცია შეასრულა

შემდეგი სტატია

ნახეთ: 5 Seconds of Summer ვიდეორგოლს Me, Myself & I ავრცელებს

შეიძლება დაგაინტერესოთ

კანიე უესტს ყოფილმა თანამშრომლებმა დისკრიმინაციისა და შევიწროების ბრალდებით უჩივლეს

არასრულწლოვანი მოსარჩელეები ამტკიცებენ, რომ მათ პორნოგრაფიულ მასალასთან შეხება უწევდათ.
მეტი