ცნობილმა სამხრეთკორეულმა ბოიბენდმა BTS კულინარიული და საგანმანათლებლო პროექტის The BTS Recipe ახალი ეპიზოდი გამოაქვეყნა, რომელშიც ჯგუფის წევრი, ჯინი ნაციონალურ კერძს, ჩანჩი კუკსუს ამზადებს ნუდლსით, კიმჩით, ბულიონითა და ბოსტნეულით.
• ნახეთ: BTS-ის კრებულში Proof დემო ჩანაწერებიც შევა
• ნახეთ: ჯიმინი და ჯონგუქი პროექტში The BTS Recipe კიმბაპს ამზადებენ
The BTS Recipe მსოფლიოში კორეული კულტურისა და ენის პოპულარიზაციას ისახავს მიზნად. პროექტს კოლექტივი HYBE EDU-სთან ერთად ახორციელებს. აღსანიშნავია, რომ “ბითიესი” 10 ივნისს კრებულს Proof გამოუშვებს.
BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.
