ნახეთ: ჯონი დეპმა ჯეფ ბექის კონცერტზე დაუკრა

ფოტო: Axelle/Bauer-Griffin/FilmMagic

სასამართლოში ყოფილი ცოლის, ემბერ ჰარდის მხრიდან ცილისწამების საქმის განხილვის დასრულების შემდეგ, მსახიობი ჯონი დეპი ინგლისში როკ მუსიკოს ჯეფ ბექის კონცერტზე მოულოდნელად გამოჩნდა. ის გიტარით ხელში სცენაზე ბექთან ერთად უკრავდა. არტისტებმა ქალაქ შეფილდში თავიანთი 2020 წლის კომპოზიცია Isolation, მარვინ გეის What’s Going On და ჯიმი ჰენდრიქსის Little Wing შეასრულეს.

მანამ მსახიობი გახდებოდა, დეპს მუსიკოსობა სურდა. სასამართლოში ერთ-ერთ პროცესზე მან აღნიშნა, რომ სამსახიობო კარიერა მას შემდეგ აირჩია, რაც მუსიკაში საკმარის წარმატებას ვერ მიაღწია. ჯონი ამჟამად ჯგუფის Hollywood Vampires წევრია ელის კუპერთან და ჯო პერისთან ერთად.

ყოფილი ცოლ-ქმრის საქმის განხილვა ვირჯინიაში, ფეარფაქსის რაიონულ სასამართლოში 11 აპრილიდან მიმდინარეობდა. ნაფიცი მსაჯულები ამჟამად უკვე საბოლოო ვერდიქტზე მსჯელობენ. დეპმა ჰარდს გამოცემა The Washington Post-ში გამოქვეყნებულ ოპ-ედთან დაკავშირებით უჩივლა, რომელშიც ქალი მას ოჯახურ ძალადობაში ადანაშაულებდა. შედეგად ჯონი სხვადასხვა როლიდან მოხსნეს, მათ შორის ფილმიდან Pirates of the Caribbean. ამიტომაც ის ემბერისგან ფინანსური ზიანის მიყენების სანაცვლოდ 50 მილიონ დოლარს მოითხოვს. ჰარდმა კი სასამართლოში საპასუხო სარჩელი შეიტანა და 100 მილიონი მოითხოვა.

ჯონი დეპს მუსიკალური მოღვაწეობის განმავლობაში არაერთ ცნობილ არტისტთან უთანამშრომლია. მათ შორის არიან როკ შემსრულებლები, ელის კუპერი და Aerosmith-ის გიტარისტი, ჯო პერი, რომლებთან ერთადაც სუპერჯგუფში Hollywood Vampires წევრიანდება. კოლექტივმა სადებიუტო სტუდიური ნამუშევარი 2015 წელს გამოუშვა, რიგით მეორე ალბომი Rise კი 2019 წელს გაავრცელა.

Share
Tweet
Share
Share
Share

წინა სტატია

მოუსმინეთ: M.I.A. ახალ კომპოზიციას The One ავრცელებს

შემდეგი სტატია

ნახეთ: კამილა კაბეიომ UEFA-ს ჩემპიონთა ლიგის ფინალი გახსნა

შეიძლება დაგაინტერესოთ

სინდი ლოპერი როკ-ენ-როლის დიდების დარბაზში შესვლით ბედნიერია და როკში ქალების წვლილზე მიუთითებს

„გამარჯვება ერთისთვის ნიშნავს გამარჯვებას ყველასთვის,” - ამბობს მუსიკოსი.
მეტი
Metallica - Allegiant Stadium-ში 2022 წლის 25 თებერვალი, ლას ვეგასი, ნევადა. გიტარისტი - კირკ ჰამმეტი, დრამერი - ლარს ულრიხი, ფრონტმენი - ჯეიმს ჰეტფილდი და ბასისტი - რობერტ ტრუჯილიო ფოტო: ეთან მილერი / Getty Images

Metallica-მ გულშემატკივრებზე ორიენტირებული დოკუმენტური ფილმის Metallica Saved My Life-ის პირველი ოფიციალური ტრეილერი გამოუშვა

ფილმი იმ გულშემატკივრებზეა ფოკუსირებული, ვისზეც ბენდმა ცხოვრებისეული გავლენა მოახდინა, რეჟისორი კი Metallica-ს დიდი ხნის მეგობარი იონას აკერულნდია.
მეტი
Arcade Fire ფოტო: დენი კლინჩი

Arcade Fire-მა ახალი ალბომი Pink Elephant დააანონსა და  ალბომის წამყვანი სინგლი Year of the Snake გამოსცა

გარდა მუსიკისა, ჯგუფმა სპეციალურად გულშემატკივრებისთვის ახალი აპლიკაცია შექმნა, რომელიც მათ უნიკალურ კონტენტს, ალბომის მასალებსა და ინტერაქციას სთავაზობს.
მეტი

Imagine Dragons მთვარიდან სიმღერის ტრანსლირების სიურრეალისტურ გამოცდილებაზე საუბრობს

ამ კვირას ჯგუფისა და ლოს-ანჯელესის კინოორკესტრის ერთობლივ კონცერტზე გადაღებული დოკუმენტური ფილმიც გამოვა.
მეტი