ამერიკული როკ ბენდი Death Cab for Cutie ახლახან გამოშვებულ სინგლზე Roman Candles გადაღებულ ვიდეორგოლს ავრცელებს. ლენს ბენგსის რეჟისორობით შექმნილ კლიპში ფერადი კვამლი და პიროტექნიკაა გამოყენებული, რის გამოც მუსიკოსებს აირწინაღები უკეთიათ.
კოლექტივმა კლიპი მანამდე ინსტაგრამზე დააანონსა, ბენგსს მადლობა გადაუხადა და განაცხადა, რომ გადასაღებ მოედანზე აფეთქებები რეალურად ხდებოდა.
View this post on Instagram
Roman Candles კოლექტივის მომავალი, რიგით მეათე სტუდიური ალბომის Asphalt Meadows წამყვანი სინგლია. ჩანაწერი 16 სექტემბერს ჩაეშვება გაყიდვაში, რის შემდეგაც ჯგუფის ამერიკული ტურნე დაიწყება.
Death Cab for Cutie ვაშინგტონში 1997 წელს ჩამოყალიბდა. მომდევნო წელს ბენდმა სადებიუტო ალბომი Something About Airplanes გაავრცელა. გრემიზე 7-ჯერ ნომინირებულ ჯგუფს ამ დრომდე 9 სტუდიური ჩანაწერი აქვს გამოცემული. კოლექტივის შემოქმედება ალტერნატიულ როკსა და ინდი როკს მოიცავს.
