ნახეთ: Panic! At the Disco ახალ ალბომს აანონსებს და სინგლს ავრცელებს

ფოტო: Panic! At the Disco/Viva Las Vengeance

ამერიკელი მუსიკოსის, ბრენდონ ურის სოლო პროექტი Panic! At the Disco ახალ ალბომს აანონსებს და ვიდეორგოლთან ერთად სინგლს Viva Las Vengeance ავრცელებს.

მომავალ ალბომს ამავე ტრეკის სახელი Viva Las Vengeance ჰქვია. მასში 12 კომპოზიცია იქნება წარმოდგენილი, მათ შორის ჯერ კიდევ გამოუქვეყნებელი Local God, Star Spangled Banger, God Killed Rock and Roll და Something About Maggie. ამ დროისთვის ბოლო, ჩარტებში წარმატებული ჩანაწერი Pray for the Wicked შემსრულებელმა 2018 წელს გამოუშვა.

“სტუდიურ ნამუშევარში Viva Las Vengeance ნაჩვენებია, როგორი ვიყავი 17 წლის წინ და როგორი ვარ ახლა, როდესაც უკვე ბევრ ადამიანს ვუყვარვარ”, – განმარტა არტისტმა.

აღსანიშნავია, რომ Panic! At the Disco შემოდგომაზე ამერიკაში, კანადაში, ევროპასა და დიდ ბრიტანეთში ტურნეს გამართავს. პირველი კონცერტი 8 სექტემბერს ტექსასის ქალაქ ოსტინში ჩატარდება.

პოპ როკ ჯგუფი Panic! At the Disco ბავშვობის მეგობრებმა: ბრენდონ ურიმ, რაიან როსმა, სპენსერ სმიტმა და ბრენტ უილსონმა 2004 წელს ლას ვეგასში ჩამოაყალიბეს. სადებიუტო ალბომი A Fever You Can’t Sweat Out, რომელიც მათ ერთ წელიწადში გამოუშვეს, დღეს სამმაგი პლატინის სტატუსის მფლობელია. ბენდის რანგში პროექტს სულ 4 სტუდიური ნამუშევარი აქვს გამოცემული, მას შემდეგ, რაც 2013 წელს კოლექტივიდან სპენსერ სმიტიც წავიდა, ბრენდონ ურიმ სამი სოლო ალბომი გაავრცელა.

Share
Tweet
Share
Share
Share

წინა სტატია

ნახეთ: BTS-ის ფოტოები თეთრი სახლიდან

შემდეგი სტატია

ნახეთ: ბენდმა Muse კომპოზიციაზე Will of the People კლიპი გადაიღო

შეიძლება დაგაინტერესოთ

სინდი ლოპერი როკ-ენ-როლის დიდების დარბაზში შესვლით ბედნიერია და როკში ქალების წვლილზე მიუთითებს

„გამარჯვება ერთისთვის ნიშნავს გამარჯვებას ყველასთვის,” - ამბობს მუსიკოსი.
მეტი
Metallica - Allegiant Stadium-ში 2022 წლის 25 თებერვალი, ლას ვეგასი, ნევადა. გიტარისტი - კირკ ჰამმეტი, დრამერი - ლარს ულრიხი, ფრონტმენი - ჯეიმს ჰეტფილდი და ბასისტი - რობერტ ტრუჯილიო ფოტო: ეთან მილერი / Getty Images

Metallica-მ გულშემატკივრებზე ორიენტირებული დოკუმენტური ფილმის Metallica Saved My Life-ის პირველი ოფიციალური ტრეილერი გამოუშვა

ფილმი იმ გულშემატკივრებზეა ფოკუსირებული, ვისზეც ბენდმა ცხოვრებისეული გავლენა მოახდინა, რეჟისორი კი Metallica-ს დიდი ხნის მეგობარი იონას აკერულნდია.
მეტი
Arcade Fire ფოტო: დენი კლინჩი

Arcade Fire-მა ახალი ალბომი Pink Elephant დააანონსა და  ალბომის წამყვანი სინგლი Year of the Snake გამოსცა

გარდა მუსიკისა, ჯგუფმა სპეციალურად გულშემატკივრებისთვის ახალი აპლიკაცია შექმნა, რომელიც მათ უნიკალურ კონტენტს, ალბომის მასალებსა და ინტერაქციას სთავაზობს.
მეტი

Imagine Dragons მთვარიდან სიმღერის ტრანსლირების სიურრეალისტურ გამოცდილებაზე საუბრობს

ამ კვირას ჯგუფისა და ლოს-ანჯელესის კინოორკესტრის ერთობლივ კონცერტზე გადაღებული დოკუმენტური ფილმიც გამოვა.
მეტი