ნახეთ: დოჟა ქეთი ფილმის Elvis საუნდტრეკს Vegas ავრცელებს

ფოტო: Ramona Rosales/Billboard

როკ-ენ-როლის ვარსკვლავის, ელვის პრესლის შესახებ გადაღებული ბიოგრაფიული ფილმის Elvis გამოშვებამდე სამი კვირა დარჩა. მანამდე კი მუსიკოსმა დოჟა ქეთმა კინოსურათის ერთ-ერთი საუნდტრეკი Vegas გაავრცელა, რომელშიც Big Mama Thornton-ის 1952 წლის კომპოზიციიდან Hound Dog სემპლია გამოყენებული. დოჟამ სიმღერა პირველად მიმდინარე წლის აპრილში ფესტივალ “კოაჩელას” სცენაზე შეასრულა.

ფილმის საუნდტრეკებზე აგრეთვე იმუშავეს ისეთმა არტისტებმა, როგორებიც არიან: კეისი მასგრეივსი, ემინემი და სილო გრინი, სტივი ნიქსი, ჯეკ უაითი, თეიმ იმპალა, ჟაზმინ სულივანი, გარი კლარკ ჯუნიორი და სხვები.

ბიოგრაფიულ ფილმში ელვის პრესლის როლს მსახიობი ოსტინ ბატლერი ასრულებს. სურათი კინოგაქირავებაში 24 ივნისს ჩაეშვება.

“ფილმი ელვისისა და მისი მენეჯერის, კოლონელ ტომ პარკერის დაძაბული ურთიერთობის პრიზმიდან დანახული არტისტის ცხოვრებისა და მოღვაწეობის შესახებ მოგვითხრობს. სურათი გვაჩვენებს, როგორი იყო მათი ურთიერთობის დინამიკა შემსრულებლის 20-წლიანი მოღვაწეობის განმავლობაში მისი კარიერის აღმავალი ეტაპიდან გავარსკვლავებამდე. ფილმში მნიშვნელოვანი ადგილი უჭირავს ელვისის ცხოვრების გავლენიან ფიგურას, პრისცილა პრესლის, რომელსაც ოლივია დეჯონგი ასახიერებს”, – ნათქვამია ფილმის აღწერის გრაფაში.

ლოს ანჯელესელმა ამალა დლამინიმ, ფსევდონიმით Doja Cat, შემოქმედებითი მოღვაწეობა 2014 წელს დაიწყო, როდესაც სადებიუტო EP სახელწოდებით Purrr! გამოუშვა. მისთვის წარმატების მომტანი რიგით მეორე სტუდიური ალბომი Hot Pink გამოდგა, რომელიც Billboard 200-ის ჩარტის ათეულში მოხვდა. ნამუშევარში ნიკი მინაჟთან ერთად ჩაწერილი ჰიტი Say So იყო წარმოდგენილი, რომელიც, თავის მხრივ, ცხელი ასეულის სათავეში მოექცა. გრემის მფლობელი დოჟას მესამე ჩანაწერი Planet Her კი Billboard 200-ის ჩარტის მეორე პოზიციაზე ზედიზედ სამი კვირის განმავლობაში იმყოფებოდა. არტისტის შემოქმედება არენბის, ჰიპ ჰოპისა და პოპის სინთეზია.

Share
Tweet
Share
Share
Share

წინა სტატია

მოუსმინეთ: Icona Pop და Charli XCX ჰიტის I Love It რემიქსს ავრცელებენ

შემდეგი სტატია

მოუსმინეთ: ფოსთ მელოუნმა ახალი ალბომი Twelve Carat Toothache გამოუშვა

შეიძლება დაგაინტერესოთ

რამ აქცია 1995 წელი მადონას ვარსკვლავური კარიერის მომნუსხველი გარდაქმნის წლად

ამ კვირის „უდიდესი პოპვარსკვლავების” პოდკასტის Vintage Pop Stardom ეპიზოდი მადონას Bedtime Stories-ის ეპოქას ეძღვნება და განიხილავს, თუ რატომ არის ის რეზონანსული დღესაც, 30 წლის შემდეგ.
მეტი

2025 წელს მარიამ შენგელია ევროვიზიაზე საქართველოს წარადგენს

მომღერალი მარიამ შენგელია 2025 წელს რიგით 69-ე ევროვიზიის სიმღერის კონკურსზე საქართველოს წარადგენს. წლევანდელი ევროვიზია შვეიცარიაში, ქალაქ ბაზელში ჩატარდება.
მეტი
SZA - 2024 წლის 30 ივნისს გლასტონბერის ფესტივალზე ჯოზეფ ოკპაკო/WireImage

SZA-ს თქმით მისი მომავალი ალბომები ბავშვებისთვის იქნება განკუთვნილი

რეკორდ სტუდიოსთან დადებული ხელშეკრულების მიხედვით ეს SZA-ს ბოლო პროექტი იქნება, რომელიც სწორედ საბავშვო აუდიტორიაზე გათვლილ მოთხოვნებს ითვალისწინებდა.
მეტი

2024 წლის უდიდესი პოპვარსკვლავები: წლის დაბრუნება – ჰოზიერი

მას შემდეგ, რაც დეკადით ადრე სენსაციური ჰიტი გამოსცა, ირლანდიელი ავტორ-შემსრულებელი რეალურად არც არსად წასულა. პირიქით, ის განვითარებას განაგრძობდა და 2024 წელს მყარად დაბრუნდა მეინსტრიმის ცენტრში.
მეტი

21-ე საუკუნის უდიდესი პოპვარსკვლავები: ნომერი 3 – რიანა

მას შემდეგ, რაც თინეიჯერობის ასაკში ბარბადოსიდან აშშ-ში ჩავიდა, რიანამ სწრაფად შეძლო თავის დამკვიდრება, როგორც ერთ-ერთი ყველაზე მდგრადი ჰიტმეიკერი, მომხიბლაობის სიმბოლო და ნოვატორი ფიგურა თანამედროვე პოპისტორიაში.
მეტი